ഡല്ലാസ് മേഖല യുവജനപ്രസ്ഥാനം സംഘടിപ്പിക്കുന്ന ‘ലാ മൊറിയോ സെഗ്തോ’ മാര്‍ച്ച് 4ന്
ടെക്സാസ്: സൗത്ത് വെസ്റ്റ് അമേരിക്കന്‍ ഭദ്രാസന യുവജന പ്രസ്ഥാനം ഡാല്ലാസ് മേഖല കമ്മിറ്റിയുടെ നേതൃത്വത്തില്‍ സംഘടിപ്പിക്കുന്ന സംഗീത പരിപാടി ‘ലാ മൊറിയോ സെഗ്തോ’ മാര്‍ച്ച് 4ന് ഇര്‍വിംഗിലുള്ള മക്ആര്‍തര്‍ ഹൈസ്കൂള്‍ ഓഡിറ്റോറിയത്തില്‍ വച്ച് നടക്കും. ഡല്ലാസ് മേഖല യുവജന പ്രസ്ഥാനത്തിന്‍റെ ജീവകാരുണ്യ പ്രവര്‍ത്തനങ്ങളുടെ ധന ശേഖരണാര്‍ത്ഥം സംഘടിപ്പിക്കുന്ന പരിപാടിയുടെ ഗുണഭോക്താക്കളാവുക പ്രകാശധാര സ്പെഷ്യല്‍ സ്കൂളിലെ അന്തേവാസികളാണ്. ഫാ.ജോണ്‍ സാമുവേലാണ് സംവിധാനം നിര്‍വഹിക്കുന്നത്. മുന്‍പ് കാതോലിക്കേറ്റ് ശതാബ്ദിയോടനുബന്ധിച്ച് ബാംഗ്ലൂര്‍ ഭദ്രാസനം ഇതേ പേരില്‍ നടത്തി പ്രശസ്തമായ സംഗീതവിരുന്നിന്റെ സംവിധാനവും നിര്‍വഹിച്ചത് ജോണ്‍ സാമുവേല്‍ അച്ചനായിരുന്നു.
