വടക്കൻ മേഖല യുവജന സംഗമവും റാലിയും പുത്തൻകുരിശിൽ
കൊച്ചി : പരിശുദ്ധ സഭയുടെ യുവജന സംഘടനയായ ഓർത്തഡോക്സ് ക്രൈസ്തവ യുവജന പ്രസ്ഥാനത്തിന്റെ ആഭിമുഖ്യത്തിൽ മേഖല കമ്മിറ്റിയുടെ നേതൃത്വത്തിൽ യുവജന സംഗമവും റാലിയും പുത്തൻകുരിശിൽ സമ്മേളിക്കുന്നു.യുവജന പ്രസ്ഥാനം കണ്ടനാട് ഈസ്റ്റ്‌,കണ്ടനാട് വെസ്റ്റ്,അങ്കമാലി ഭദ്രാസന കമ്മിറ്റികൾ ചേർന്നുള്ള റീജിയണൽ കമ്മിറ്റിയുടെ നേതൃത്വത്തിലാണ് സംഘടിപ്പിക്കുന്നത്. പുത്തൻകുരിശ് സെന്റ് പീറ്റേഴ്സ് ആൻഡ് സെന്റ് പോൾസ് ഓർത്തഡോക്സ് പള്ളിയിൽ നടക്കുന്ന സമ്മേളനത്തിൽ വെരി.റവ.മത്തായി ഇടയനാൽ കോർ എപ്പിസ്കോപ്പയുടെ അധ്യക്ഷതയിൽ യുവജന പ്രസ്ഥാനം പ്രസിഡന്റും കുന്നംകുളം ഭദ്രാസന അധിപനുമായ ഡോ.ഗീവർഗ്ഗീസ് മാർ യൂലിയോസ് ഉദ്ഘാടനം ചെയ്തു അഭിസംബോധന ചെയ്യുന്നതായിരിക്കും. യുവജന പ്രസ്ഥാനം അംഗങ്ങൾ അണിനിരക്കുന്ന റാലി ഇതേതുടർന്ന് നടക്കും.
