സമൂഹത്തിന്റെ അരക്ഷിതാവസ്ഥയ്ക്ക് യ്ക്ക് എതിരെ ഒന്നായി പോരാടണം : പരിശുദ്ധ കാതോലിക്കാ ബാവ

കൊച്ചി: നാളെയുടെ തലമുറയെ വാർത്തെടുക്കുവാൻ നാം പ്രതിജ്ഞാബദ്ധരാകണം.സമൂഹത്തിന്റെ അരക്ഷിതാവസ്ഥക്കെതിരെ ഒന്നായി പോരാടാം എന്ന് മലങ്കര സഭയുടെ പരമാധ്യക്ഷൻ പരി.ബസേലിയോസ് മാർത്തോമ മാത്യൂസ് തൃതീയൻ കാതോലിക്കാ ബാവ ഓർമിപ്പിച്ചു.കണ്ടനാട് വെസ്റ്റ് ഭദ്രാസന ദിനാഘോഷവും കുടുംബ സംഗമവും ഉദ്ഘാടനം ചെയ്ത് സംസാരിക്കുകയായിരുന്നു. ഭദ്രാസനതലപ്പള്ളിയായ കണ്ടനാട് വി. മർത്തമറിയം ഓർത്തഡോക്സ് കത്തീഡ്രൽ പള്ളി നാലാം മാർത്തോമാ നഗറിലാണ് ദിനാഘോഷം നടത്തപ്പെട്ടത്. ഭദ്രാസന സഹായ മെത്രാപ്പോലീത്ത അഭി. സക്കറിയ മാർ സേവേറിയോസ് പൊതുസമ്മേളനത്തിന് അധ്യക്ഷത വഹിച്ചു. മലങ്കര സഭ വൈദിക ട്രസ്റ്റി ഫാ. ഡോ. തോമസ് വർഗീസ് അമയിൽ മുഖ്യപ്രഭാഷണം നടത്തി.