ഓർത്തഡോക്സ് യുവജനപ്രസ്ഥാനം; സ്നേഹയാനം പദ്ധതി മാതൃകപരം: രമേശ് ചെന്നിത്തല എം.എൽ.എ.
ഹരിപ്പാട്: ആശയറ്റ മനുഷ്യരുടെ ആശ്രയവും അഭയവുമായി മാറുന്ന പൗരസ്ത്യ ഓർത്തഡോക്സ് ക്രൈസ്തവ യുവജനപ്രസ്ഥാനത്തിന്റെ പ്രവർത്തനങ്ങൾ അഭിനന്ദനങൾ അർഹിക്കുന്നുവെന്ന് ഹരിപ്പാട് എം.എൽ.എ. രമേശ് ചെന്നിത്തല.
ചലനശേഷി നഷ്ട്ടപ്പെട്ട മനുഷ്യർക്ക് മസ്കറ്റ് ഗാല സെന്റ് മേരിസ് യുവജനപ്രസ്ഥാനത്തിന്റെ സഹകരണത്തോടെ ഇലട്രിക്ക് വീൽചെയറുകൾ നൽകുന്ന കേന്ദ്ര യുവജനപ്രസ്ഥാനത്തിന്റെ സ്നേഹയാനം പദ്ധതി കാർത്തികപ്പള്ളി സെന്റ് തോമസ് ഓർത്തഡോൿസ് കത്തീഡ്രലിൽ വെച്ച് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
സ്നേഹയാനം പദ്ധതി മാതൃകാപരമാണെന്നും അർഹരായ കൂടുതൽ പേരിലേക്ക് ഈ പദ്ധതിയുടെ പ്രയോജനം എത്തട്ടെ എന്നും അദ്ദേഹം പറഞ്ഞു. യുവജനപ്രസ്ഥാനം കേന്ദ്ര പ്രസിഡന്റ് ഗീവർഗീസ് മാർ യുലിയോസ് മെത്രാപ്പോലീത്താ അദ്ധ്യക്ഷത വഹിച്ചു. കേരള മനുഷ്യാവകാശ കമ്മീഷൻ അണ്ടർ സെക്രട്ടറി ഷൈനി ജോർജ് വനിതാദിനസന്ദേശം നൽകി.
ഭദ്രാസന സെക്രട്ടറി ഫാ. ജോൺസ് ഈപ്പൻ, കേന്ദ്ര യുവജനപ്രസ്ഥാനം വൈസ് പ്രസിഡന്റ് ഫാ. ജെയിൻ സി മാത്യു, ജനറൽ സെക്രട്ടറി ഫാ. വിജു എലിയാസ്, ട്രഷറർ രഞ്ജു എം. ജോയ്, ഇടവക വികാരി ഫാ. ഡി. ഗീവർഗീസ് കോർ എപ്പിസ്കോപ്പാ, ഗാല യുവജനപ്രസ്ഥാനം അനൂപ് മാത്യു, ഇടവക സെക്രട്ടറി കുരുവിള കോശി, യൂണിറ്റ് സെക്രട്ടറി ആൽവിൻ കെ. ജോൺ എന്നിവർ പ്രസംഗിച്ചു.
ചാരിറ്റി പ്രവർത്തനങ്ങളുടെ ഗുണഭോക്താകളുടെ ചിത്രങ്ങളോ പേരോ പുറത്തുവിടില്ല എന്ന തീരുമാനപ്രകാരം ഭദ്രാസന വൈസ് പ്രസിഡന്റ് ഫാ. അജി ഗീവർഗീസ്, സെക്രട്ടറി നിബിൻ നല്ലവീട്ടിൽ,റീജിയണൽ സെക്രട്ടറി അബു എബ്രഹാം വീരപ്പള്ളി, ജോയിന്റ് സെക്രട്ടറി അബി എബ്രഹാം കോശി, ട്രഷറർ എബിൻ ബേബി, , ഭദ്രാസന കൗൺസിൽ അംഗം വിനു ഡാനിയേൽ എന്നിവർ വിവിധ ഭദ്രാസനങ്ങൾക്കും വ്യക്തികൾക്കും വേണ്ടി വീൽചെയർ ഏറ്റുവാങ്ങി.
