യുവജന പ്രസ്ഥാനം വടക്കൻമേഖല സമ്മേളനം പുത്തൻകുരിശിൽ

പുത്തൻകുരിശ് : മലങ്കര ഓർത്തഡോക്സ് സുറിയാനി സഭയുടെ യുവജന പ്രസ്ഥാനമായ ഓർത്തഡോക്സ് ക്രൈസ്തവ യുവജന പ്രസ്ഥാനത്തിന്റെ (ഓ സി വൈ എം ) വടക്കൻ മേഖല യുവജന സംഗമവും യുവജന റാലിയും നവംബർ 24 ഞായറാഴ്ച പുത്തൻകുരിശിൽ നടക്കും.

ഞായറാഴ്ച ഉച്ചകഴിഞ്ഞു മൂന്നു മണിക്ക് പുത്തൻകുരിശ് സെന്റ് പീറ്റേഴ്സ് ആൻഡ് സെന്റ് പോൾസ് ഓർത്തഡോക്സ് പള്ളിയിൽ ആരംഭിക്കുന്ന പൊതു സമ്മേളനം പരിശുദ്ധ ബസ്സേലിയോസ്‌ മാർത്തോമ്മാ മാത്യൂസ് തൃതീയൻ കാതോലിക്കാ ബാവ ഉത്ഘാടനം ചെയ്യും. യുവജന പ്രസ്ഥാനം പ്രസിഡന്റ് ഡോ. ഗീവർഗീസ് മാർ യൂലിയോസ്‌ മെത്രാപോലീത്ത അദ്ധ്യക്ഷത വഹിക്കും.

മത്തായി ഇടയനാൽ കോർ എപ്പിസ്കോപ്പ, കണ്ടനാട് ഭദ്രാസന സെക്രട്ടറി ഫാ ജോസ് തോമസ് പൂവത്തുംങ്കൽ, സഭാ വർക്കിംഗ്‌ കമ്മിറ്റി അംഗം ഫാ. ജേക്കബ് കുര്യൻ, അങ്കമാലി ഭദ്രാസന സെക്രട്ടറി തോമസ് പോൾ റമ്പാൻ കണ്ടനാട് ഈസ്റ്റ്‌ ഭദ്രാസന സെക്രട്ടറി ഫാ അബിൻ എബ്രഹാം, യുവജന പ്രസ്ഥാനം ജനറൽ സെക്രട്ടറി ഫാ വിജു ഏലിയാസ് ട്രഷറർ പേൾ കണ്ണേത്ത് ഫാ ജിത്തു മാത്യു എന്നിവർ പ്രസംഗിക്കും. സമ്മേളനത്തെ തുടർന്ന് പുത്തൻകുരിശ് ടൌൺ ചുറ്റി യുവജന റാലിയും നടത്തപ്പെടും.
കണ്ടനാട് ഈസ്റ്റ്‌ വെസ്റ്റ് അങ്കമാലി റീജിയണിന്റെ ആഭിമുഖ്യത്തിൽ നടത്തപ്പെടുന്ന സമ്മേളനത്തിൽ മലങ്കര സഭയുടെ വടക്കൻ ഭദ്രാസനങ്ങളിൽ നിന്നുള്ള പ്രതിനിധികൾ പങ്കെടുക്കുമെന്ന് റീജിയണൽ സെക്രട്ടറി നിഖിൽ കെ ജോയ്, ഭദ്രാസന കൗൺസിൽ അംഗം ഗ്ലാഡ്സൺ ചാക്കോ കുഴിവേലിൽ ചെറിയാൻ വർഗീസ് കണ്ണേത്ത്, എൽദോ ബേബി, എഡ്വിൻ മാത്യൂസ്, എൽസൺ ജോണി, ജോർജ് കെ ബാജി കണ്ണേത്ത് എന്നിവർ അറിയിച്ചു.