കുറുപ്പംപടിയിൽ യാക്കോബായ വിഭാഗത്തിനെതിരെ ജന രോക്ഷം

പെരുമ്പാവൂർ :അങ്കമാലി ഭദ്രാസനത്തിലെ കുറുപ്പംപടി സെന്റ് മേരീസ് ഓർത്തഡോക്സ് പള്ളിയുടെ പൂർണ്ണ അധികാരി 1934 ഭരണഘടന പ്രകാരം നിയമിതനാകുന്ന വികാരിയായിരിക്കെ അയൽവാസികളുടെ സഞ്ചാര സ്വാതന്ത്രം തടസ്സപ്പെടുത്തി മതിൽ കെട്ടിയടച്ച യാക്കോബായ വിഭാഗക്കാരുടെ നടപടി ജന രോക്ഷത്തിനിടയാക്കി.യാക്കോബായ വിഭാഗം കോടതി വിധി ഉണ്ടെന്ന് ചൂണ്ടിക്കാട്ടി രംഗത്തെത്തി മതിൽ കെട്ടി വഴി അടച്ചത് ഏറെ ചർച്ചയാവുകയാണ് . കുറുപ്പംപടി പള്ളിയുടെ ഉടമസ്ഥത സംബന്ധിച്ച കോടത വിധി നിലനിൽക്കെ അധികാരികളെന്ന വ്യാജേന യഥാർത്ഥ കയ്യേറ്റക്കാരായ യാക്കോബായ വിഭാഗത്തിനെതിരെ പരാതികാർക്ക് നിയമ നടപടികൾ സ്വീകരിക്കാമെന്ന് മുന്നറിയിപ്പുമായി ഓർത്തഡോക്സ് സഭ . ബഹു. ജില്ലാ കോടതിയുടെ OS 1/2018 കേസിലെ വിധി പ്രകാരമാണ് ഇക്കാര്യം വ്യക്തമാക്കി വികാരി ഫാ. ലാലു തോമസ് പൊതുജനങ്ങൾക്കും ഇടവക ജനങ്ങൾക്കുമായി അറിയിപ്പ് പുറത്തിറക്കിയത്.

1934 ഭരണഘടന പ്രകാരം അല്ലാത്ത മെത്രാപ്പോലീത്തമാർക്കോ വൈദികർക്കോ കൈക്കാർമാർക്കോ ഭരണപരമായോ ആത്മീയ ശുശ്രൂഷകൾ പരമായോ യാതൊരു അധികാര അവകാശങ്ങളും ഇല്ലെന്ന് ശാശ്വത നിരോധനം ഏർപ്പെടുത്തിയിട്ടുണ്ടെന്നും വിധിയിൽ പറയുന്നതായി വികാരി അഭിപ്രായപ്പെട്ടു . 1934 പ്രകാരം അല്ലാതെ തിരഞ്ഞെടുക്കപ്പെട്ട ട്രസ്റ്റിമാരെ തൽസ്ഥാനത്തു നിന്നും കോടതി നീക്കം ചെയ്യുകയും ഇടവക മെത്രാപ്പോലീത്ത നിയമിക്കുന്ന വികാരിക്ക് പള്ളിയുടെ എല്ലാ അധികാര അവകാശങ്ങളും കൈമാറാൻ ഉത്തരവിട്ടിട്ടുണ്ടെന്നും അറിയിപ്പിൽ പറയുന്നു.

യാക്കോബായ വിഭാഗക്കാർ ഇടപെട്ട് വഴി അടച്ച സംഭവത്തിൽ നിയമ നടപടിക്ക് ആവിശ്യം

നിലവിലെ വഴി തർക്കവുമായി ബന്ധപ്പെട്ട് കുറുപ്പംപടി സെന്റ് മേരീസ് പള്ളിയുടെ നിയമാനുസൃത വികാരി എന്ന നിലയിൽ തനിക്ക് യാതൊരു ബന്ധവും ഇല്ലെന്നും ഫാ. ലാലു തോമസ് അറിയിപ്പിൽ കൂട്ടിച്ചേർത്തു . പൊതുജനം ഉപയോഗിക്കുന്ന വഴി താൻ യാതൊരു കാരണവശാലും തടസ്സപ്പെടുത്തുന്നില്ലെന്നും അദ്ദേഹം വ്യക്തമാക്കി.

കുറുപ്പംപടി പള്ളിയുടെ അധികാരികൾ എന്ന വ്യാജേന ആരെങ്കിലും നിയമവിരുദ്ധമായി പ്രവർത്തിച്ചിട്ടുണ്ടെങ്കിൽ അവർക്കെതിരെ ആവശ്യമായ നിയമ നടപടികൾ സ്വീകരിക്കണമെന്നും അറിയിപ്പിൽ പറയുന്നു.