കോതമംഗലത്തെ ആക്രമണം : ഓർത്തഡോക്സ് സഭ പ്രതിഷേധിച്ചു

കോട്ടയം: കോതമംഗലം മാർത്തോമ്മൻ ചെറിയപള്ളി സംബന്ധിച്ച കേസിൽ മലങ്കര ഓർത്തഡോക്സ് സഭക്ക് അനുകൂലമായ കോടതിവിധിയിൽ പ്രതിഷേധിച്ച് യാക്കോബായ യുവജനങ്ങൾ കോതമംഗലത്ത് നടത്തിയ റാലിയിൽ പ്രകോപനപരമായ മുദ്രാവാക്യങ്ങൾ വിളിക്കുകയൂം വികാരി അഡ്വ തോമസ് പോൾ റമ്പാൻറെ കോലം കത്തിച്ച് അധിക്ഷേപിക്കുകയും അദ്ദേഹത്തിന്റെ സഹോദരൻ മാറാച്ചേരിൽ ബാബു പോൾ ബിസിനെസ്സ് നടത്തുന്ന കുടുംബ കെട്ടിടത്തിന് നേരെ ആക്രമണം നടത്തുകയും, ഉപകരണങ്ങൾ നശിപ്പിക്കുകയും ചെയ്തതിൽ സഭാ അസോസിയേഷൻ സെക്രട്ടറി അഡ്വ ബിജു ഉമ്മൻ പ്രതിഷേധിച്ചു. കുറ്റക്കാരെ കണ്ടെത്തി മാതൃകാപരമായി ശിക്ഷിക്കണമെന്ന് അദ്ദേഹം അധികൃതരോട് ആവശ്യപ്പെട്ടു.