OVS - Latest NewsOVS-Kerala News

മലങ്കര സഭ സമാധാനത്തിന് വിള്ളൽ ; ഓർത്തഡോക്സ് സഭ

കോട്ടയം:പാത്രിയാർക്കീസ് ബാവയുടെ മണർകാട് പള്ളി സന്ദർശനത്തിനെതിരെ ശക്തമായ വിമർശനവുമായി മലങ്കര ഓർത്തഡോക്സ് സുറിയാനി സഭ.മണർകാട് പള്ളി സന്ദർശനം ഇരു സഭകൾക്കിടയിൽ നടന്നുവന്ന സമാധാന ശ്രമങ്ങളെ തകർത്തുവെന്ന് പ്രതികരണം .

സർക്കാർ ഒത്താശയോടെ നടന്ന നിയമലംഘനമാണിതെന്നും തർക്ക പള്ളിയിലേക്ക് പാത്രിയാർക്കീസിനെ എത്തിച്ചത് ശരിയായ നടപടി അല്ലെന്ന് കോട്ടയം ഭദ്രാസന മെത്രാപ്പോലീത്തയും മാധ്യമ വിഭാഗം പ്രസിഡന്റുമായ ഡോ. യൂഹാനോൻ മാർ ദീയസ്കോറോസ് മെത്രാപ്പോലീത്ത പറഞ്ഞു.

സമാധാനത്തെക്കുറിച്ച് സംസാരിക്കുന്നവർ തന്നെ സമാധാന ശ്രമങ്ങളെ അട്ടിമറിക്കുകയാണെന്നും അദ്ദേഹം കുറ്റപ്പെടുത്തി. സമാധാനദൂതന്മാരായി നടിക്കുന്ന ചിലരുടെ യഥാർത്ഥ മുഖമാണ് ഇതിലൂടെ പുറത്തുവന്നതെന്നും സ്ഥായിയായ സമാധാനമെന്ന പ്രതീക്ഷക്ക് വീണ്ടും മങ്ങലേറ്റെന്നും അദ്ദേഹം അഭിപ്രായപ്പെട്ടു.

സഭാതർക്കം നിലനിൽക്കെയാണ് സന്ദർശനം നടന്നത്. 1995ലെയും 2017ലെയും സുപ്രീംകോടതി വിധികൾക്ക് വിരുദ്ധമാണ് ഇതെന്ന് ഓർത്തഡോക്സ് സഭ പറയുന്നു. സന്ദർശക വിസയിൽ എത്തിയ പാത്രിയർക്കീസ് തർക്ക പള്ളിയിൽ ആരാധനയിൽ പങ്കെടുത്തത് ചട്ടങ്ങൾക്ക് വിരുദ്ധമാണെന്ന് ചൂണ്ടിക്കാട്ടി സഭ ഹൈക്കോടതിയെ സമീപിച്ചിരുന്നു.

നിയമലംഘനം പാടില്ലെന്ന് കോടതി നിർദേശിച്ചിരുന്നിട്ടും, സർക്കാരിന്റെ നിയമോപദേശത്തിന്റെ അടിസ്ഥാനത്തിലാണ് സന്ദർശനത്തിന് അനുമതി നൽകിയതെന്നാണ് വിവരം. ഈ നിയമോപദേശത്തിന് പിന്നിൽ ദുരൂഹതയുണ്ടെന്നും സമാധാനാന്തരീക്ഷം തകർക്കുന്ന രീതിയിലാണ് സർക്കാർ ഇടപെട്ടതെന്നും ഓർത്തഡോക്സ് സഭ ആരോപിച്ചു.

error: Thank you for visiting : www.ovsonline.in