അത്മായ ട്രസ്റ്റി ജോര്‍ജ് പോളിന് മാതൃ ഇടവകയുടെ ആദരം
പെരുമ്പാവൂര്‍ : മലങ്കര ഓര്‍ത്തഡോക്സ് സഭയുടെ അത്മായ ട്രസ്റ്റിയായി മലങ്കര അസോസിയേഷന്‍ യോഗം തിരഞ്ഞെടുത്ത ജോര്‍ജ് പോളിനെ കുറുപ്പംപടി സെന്‍റ് തോമസ്‌ ഓര്‍ത്തഡോക്സ് കാതോലിക്കേറ്റ് സെന്‍റര്‍ പള്ളിയില്‍ ആദരിച്ചു.വിശുദ്ധ മൂന്നിന്മേല്‍ കുര്‍ബാനക്ക് അങ്കമാലി ഭദ്രാസന മെത്രാപ്പോലീത്ത യുഹാനോന്‍ മാര്‍ പോളിക്കാര്‍പ്പോസ് മുഖ്യകാര്‍മ്മീകത്വം വഹിച്ചു.വികാരി ബി.വി ബഹന്നാന്‍ കോര്‍ എപ്പിസ്കോപ്പ,ഫാ.ടിജോ കുര്യാക്കോസ്‌ എന്നിവര്‍ സഹകാര്‍മ്മീകരായിരിന്നു.
നാം ഓരോരുത്തരും ചേരുന്നതാണ് പരിശുദ്ധ സഭ.നാം ഓരോരുത്തരിലൂടെയാണ് സഭയുടെ വളര്‍ച്ചയും നന്മയും.അതിനായി ഒരുമിച്ചു മുന്നേറാം – മറുപടി പ്രസംഗത്തില്‍ ജോര്‍ജ് പോള്‍ പറഞ്ഞു.കുറുപ്പംപടിയില്‍ നിന്നുള്ള സഭാ മാനേജിംഗ് കമ്മിറ്റി അംഗം അലക്സ് കുര്യാക്കോസ്‌,മുന്‍ സഭാ മാനേജിംഗ് കമ്മിറ്റി അംഗം കുര്യന്‍ സി ഐസക്ക് എന്നിവര്‍ ചടങ്ങില്‍ സന്നിഹിതരായിരുന്നു.എറണാകുളം സെന്‍റ് മേരീസ്‌ ഓര്‍ത്തഡോക് സ് കത്തീഡ്രലിലാണ് അദേഹം കൂടി വരുന്നത്.കത്തീഡ്രല്‍ ട്രസ്റ്റിയായിരിന്നു.
