അബുദാബി കത്തീഡ്രല്‍ കുടുംബസംഗമം 23ന് കോട്ടയത്ത്‌
യു.എ.ഇ/കോട്ടയം : അബുദാബി സെന്‍റ് ജോർജ് ഓർത്തഡോക്‌സ് കത്തീഡ്രൽ ജൂലൈ 23 ശനിയാഴ്‌ച പാമ്പാടി മാർ കുര്യാക്കോസ് ദയറയിൽ ഇടവകയുടെ കുടുംബസംഗമം സംഘടിപ്പിക്കും. പ്രവാസജീവിതം മതിയാക്കി നാട്ടിൽ സ്‌ഥിരതാമസമാക്കിയ മുൻ ഇടവകാംഗങ്ങളും വേനൽ അവധിക്കു നാട്ടിലെത്തിയ ഇടവകാംഗങ്ങളും പങ്കെടുക്കും.
ഇടവക ജീവകാരുണ്യത്തിന്റെ ഭാഗമായി 50 പേർക്കു ഭവനം നിർമിച്ചുനൽകുന്ന ‘സെന്‍റ് ജോർജ് ഹോംസ്’ ഭവനനിർമാണ പദ്ധതിയുടെ മൂന്നാം ഘട്ടത്തിൽ തിരഞ്ഞെടുക്കപ്പെട്ടവർക്ക് ആദ്യ ഗഡു വിതരണവും ഇതോടനുബന്ധിച്ചു നടക്കും.
മലങ്കര ഓർത്തഡോക്‌സ് സഭാ പരമാധ്യക്ഷൻ പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവാ, ബ്രഹ്മവാർ ഭദ്രാസനാധിപൻ യാക്കോബ് മാർ ഏലിയാസ് തുടങ്ങിയവരും പങ്കെടുക്കും. കുടുംബസംഗമത്തിൽ പങ്കെടുക്കാനാഗ്രഹിക്കുന്ന വർക്കു സെന്‍റ് ജോർജ് ഓർത്തഡോക്‌സ് അബുദാബി വെബ്സൈറ്റിലോ, 0091 9447110046 എന്ന നമ്പറിലോ റജിസ്റ്റർ ചെയ്യാം.
