ഗജസംഗമത്തോടെ പഴഞ്ഞി പെരുന്നാളിന് തുടക്കം

കുന്നംകുളം: പഴഞ്ഞി പള്ളി പെരുന്നാൾ ആഘോഷങ്ങൾക്ക് തുടക്കമായി.പഴഞ്ഞി സെന്റ് മേരീസ്‌ ഓർത്തഡോക്സ് കത്തീഡ്രൽ പള്ളിയിൽ യൽദോ ബാവയുടെ 341-മത് ഓർമ്മപ്പെരുന്നാൾ ഏറെ ചരിത്ര പ്രസിദ്ധമാണ് . പെരുന്നാളിന്റെ പ്രധാന ആകർഷണമായ ആനകളുടെ ഘോഷയാത്രയായ ഗജസംഗമം പെരുന്നാൾ പെരുമ വിളിച്ചോതി.മുത്തുക്കുടയേന്തിയ 30 ആനകളുടെ അണിനിരപ്പ് കാണാൻ വലിയ ജനക്കൂട്ടമെത്തി.

വെള്ളി ശനി ദിവസങ്ങളിലാണ് ആഘോഷം.പഴഞ്ഞി പള്ളിയിൽ പ്രധാന പെരുന്നാൾ ദിനങ്ങളായ മൂന്ന് ദിവസം നീണ്ടു നിൽക്കുന്ന ചടങ്ങുകൾക്ക് സാക്ഷ്യം വഹിക്കാൻ ഒരു ലക്ഷം പേർ എത്തുമെന്ന് സംഘാടകർ . പള്ളിക്ക് സമീപം പ്രവാസി കൂട്ടായ്മ, യംങ്സ് പെരുന്നാൾ കമ്മിറ്റിയും ഒരുക്കിയ പന്തലുകൾ വർണ്ണാഭമായി.

രാത്രി സാംസ്കാരിക പരിപാടികൾ, ആൾട്ടർ, എന്നിവയുണ്ടാകും. രാത്രി ശേഖരങ്ങളുടെ ആനയും വാദ്യമേളങ്ങളുമായി എഴുന്നള്ളിപ്പ് ഉണ്ടാകും. പെരുന്നാൾ ദിനത്തിൽ രാവിലെ വിശുദ്ധ കുർബാനയ്ക്ക് മലങ്കര സഭാ അധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ മുഖ്യകാർമ്മികനായി.