ഓടക്കാലി പള്ളിയിൽ യാക്കോബായ വിഭാഗത്തിന്റെ എതിർപ്പ് ; വിധിയുടെ പിൻബലത്തിൽ ശവ സംസ്കാരം

കോതമംഗലം :സഭാതർക്കം നിലനിൽക്കുന്ന ഓടക്കാലി സെന്റ് മേരീസ് ഓർത്തഡോക്സ് പള്ളിയിൽ മൃതദേഹം സംസ്കരിക്കാൻ പൊലീസ് സംരക്ഷണം നൽകാൻ ഹൈക്കോടതി ഉത്തരവിട്ടതിനെ തുടർന്ന് ഓർത്തഡോക്സ് സഭ സംസ്കാരച്ചടങ്ങുകൾ ബഹുമതികളോടെ നടത്തി . ഓർത്തഡോക്സ് സഭാ അംഗമായ ഇടവകാംഗം മേത്തല സ്വദേശി എം ടി വർഗീസിന്റെ (91) സംസ്കാരച്ചടങ്ങുകൾക്കാണ് ജസ്റ്റിസ് പി വി കുഞ്ഞിക്കൃഷ്ണൻ സംരക്ഷണം അനുവദിച്ചത്.

മകൻ എം വി റോയിയും വി കാരി ഫാ. ബൈനസൻ സണ്ണിയും നൽകിയ ഹർജിയിലാണ് നടപടി. വെള്ളി രണ്ടിനും വൈകിട്ട് അഞ്ചിനും ഇടയിൽ പള്ളിയിലും സെമിത്തേരിയിലുംമായി സംസ്കാരച്ചടങ്ങുകൾ നടത്തത്താമെന്നാണ് നിർദേശം . 1934ലെ സഭാ ഭരണഘടനപ്രകാരം നിയമിക്കപ്പെട്ട വികാരിക്കോ അദ്ദേഹം ചുമതലപ്പെടുത്തുന്ന മറ്റു വൈദികർക്കോ ചടങ്ങുകൾക്ക് നേതൃത്വം നൽകാമെന്നായിരിന്നു നിർദേശം.

തുടർന്നുള്ള ദിവസങ്ങളിലെ ഓർമപ്രാർഥനകൾക്കും കോടതി സമയം നിശ്ചയിച്ചിട്ടുണ്ട്. 8, 9, 10 തീയതികളിൽ രാവിലെ ആറുമുതൽ ഏഴുവരെ, 10ന് രാവിലെ ആറുമുതൽ എട്ടുവരെയുമാണ് പ്രാർഥനകൾക്ക് ആയിരുന്നു അനുമതി. ചടങ്ങുകൾ തടസമില്ലാതെ നടക്കുന്നുണ്ടെന്ന് ഉറപ്പുവരുത്താൻ കുറുപ്പംപടി പൊലീസ് സ്റ്റേഷൻ ഹൗസ് ഓഫിസർക്ക് കോടതി നിർദേശം നൽകിയിരുന്നു .

യാക്കോബായ വിഭാഗത്തിന്റെ എതിർപ്പിനെ തുടർന്ന് ശവ സംസ്കാരച്ചടങ്ങുകൾ വൈകുന്നതൊഴിവാക്കാനാണ് ബഹു.കോടതി അടിയന്തരമായി ഇടപെട്ടത്.യാക്കോബായ വിഭാഗത്തിന്റെ അനധികൃത നിയന്ത്രണത്തിലാണ് ഓടക്കാലി പള്ളി.മൃതദേഹവുമായി യാതൊരു വിധ വിലപേശലും ഓർത്തഡോക്സ് സഭ നീക്കം നടത്തിയിരുന്നില്ല.എന്നാൽ,കട്ടച്ചിറ പള്ളിയിൽ ആൾക്കൂട്ടത്തെ മുൻനിർത്തി ജന വികാരം മുതലെടുത്ത യാക്കോബായ വിഭാഗത്തിന്റെ നടപടി സോഷ്യൽ മീഡിയയിൽ ഇപ്പോൾ ചർച്ചയാകുന്നത്.

ഓർത്തഡോക്സ് സഭ പി ആർ വിഭാഗം പുറത്തിറക്കിയ പത്രക്കുറിപ്പ്