ഓടക്കാലി പള്ളി ; ശവ സംസ്കാരം വീണ്ടും തടസ്സപ്പെടുത്തി യാക്കോബായ വിഭാഗം

കൊച്ചി:അങ്കമാലി ഭദ്രാസനത്തിലെ ഓടക്കാലി സെന്റ് മേരീസ് ഓർത്തഡോക്സ് പള്ളി ഇടവകാംഗത്തിന്റെ ശവ സംസ്ക്കാരം നടത്തുന്നതുമായി ബന്ധപ്പെട്ട് ഉയർന്ന തർക്കത്തിൽ ഹൈക്കോടതി ഇടപെടലോടെ പരിഹാരം . ഓർത്തഡോക്സ് സഭാംഗമായ മേയ്ക്കമാലിൽ എംടി വർഗീസ്(90) മരണാനന്തര ശുശ്രൂഷകൾ ഓടക്കാലി പള്ളിയിലും സെമിത്തേരിയിലുമായി പൂർത്തിയാക്കുന്നതിന് ജസ്റ്റിസ് പി.വി കുഞ്ഞിക്കൃഷ്ണൻ അധ്യക്ഷനായ ബെഞ്ച് ഉത്തരവിട്ടു.

ദേവാലയത്തിന്റേയും സെമിത്തേരിയുടെയും ഭരണാവകാശത്തെ ചൊല്ലി വർഷങ്ങളായി തർക്കം നിലനിൽക്കുന്ന ഇടവകയാണ് കോതമംഗലം സമീപം സ്ഥിതി ചെയ്യുന്ന ഓടക്കാലി പള്ളി . യാക്കോബായ വിഭാഗം ആസൂത്രിതമായി കട്ടച്ചിറ പള്ളിയിൽ മൃതദേഹം വച്ച് സമരം ചെയ്തു വിലപേശൽ നടത്തിയിരുന്നു . ഓടക്കാലി പള്ളിയിൽ ഓർത്തഡോക്സ് സഭാ വിശ്വാസിയുടെ മൃതദേഹം സംസ്ക്കരിക്കാൻ യാക്കോബായ വിഭാഗം തടസ്സം സൃഷ്ടിച്ചതിനെ തുടർന്നാണ് മൃതദേഹം പൊതുമധ്യത്തിൽ വച്ച് വിലപേശലിന് തയ്യാറാകാതെ ഓർത്തഡോക്സ് സഭ ബഹു.ഹൈക്കോടതിയെ സമീപിക്കുകയായിരുന്നു.

വെള്ളിയാഴ്ച ഉച്ചയ്ക്ക് 2 മണിക്ക് ശേഷം ഓടക്കാലി സെൻ്റ് മേരീസ് ഓർത്തഡോക്സ് പള്ളിയിൽ വച്ച് ശവ സംസ്ക്കാര ശുശ്രൂഷകൾ നടക്കും.