ഇടത് പക്ഷം ഇരട്ടത്താപ്പ് കാണിച്ചു ; വിമർശിച്ച് ചാണ്ടി ഉമ്മൻ
ഇടുക്കി : സഭാത്തർക്കത്തിലും ശബരിമലയിലും ഇടത് പക്ഷം ഇരട്ടത്താപ്പ് കാണിച്ചെന്ന് വിമർശനമുന്നയിച്ചു ചാണ്ടി ഉമ്മൻ എംഎൽഎ .ഇടത് സർക്കാർ ശബരിമലക്കേസിലെ വിധി നടപ്പാക്കിയതും സഭത്തർക്കക്കേസിലെ വിധി നടത്തിപ്പിൽ പിന്നോട്ട് പോയതും ചൂണ്ടിക്കാട്ടി ചോദ്യത്തോട് പ്രതികരിക്കുകയായിരുന്നു.
യുഡിഎഫ് സർക്കാർ നീതി നടപ്പാക്കുമെന്നാണ് പ്രതീക്ഷിക്കുന്നത്.നയപരമായ വിഷയങ്ങളിൽ ഉചിതമായ നിലപാട് മുഖ്യമന്ത്രി സ്വീകരിക്കുമെന്നാണ് കരുതുന്നത് – ചാണ്ടി ഉമ്മൻ അഭിപ്രായപ്പെട്ടു.
ഇത്തരം കാര്യങ്ങളിൽ ഇടത് പക്ഷത്തിന് ഇരട്ടത്താപ്പ് പ്രകടം.ഒരേ സമയം വേട്ടക്കാരനോടൊപ്പം വേട്ടയ്ക്കും ഇരയോടൊപ്പം കരച്ചിലിനും സാധിക്കുമെന്ന് പുതുപ്പള്ളി എംഎൽഎ ചാണ്ടി ഉമ്മൻ വിമർശിച്ചു .കേരളോദയം ന്യൂസ് ചാനലുമായി അഭിമുഖത്തിൽ സംസാരിക്കുകയായിരുന്നു.
സഭാക്കേസിൽ യാക്കോബായ വിഭാഗത്തിന് വേണ്ടി സെമിത്തേരി ഓർഡിനൻസ് നടപ്പാക്കിയതിന് പിന്നാലെ ചർച്ച് ബില്ല് പ്രാബല്യത്തിലാക്കി സുപ്രീം കോടതി വിധി അട്ടിമറിക്കാൻ ആസൂത്രിത ശ്രമമുണ്ടായിരുന്നു. പിറവം,മുളന്തുരുത്തി കേസുകളിൽ വിധി നടപ്പാക്കിയാൽ ചോര പുഴ ഒഴുകുമെന്നും കോടതിയിൽ നിലപാട് സ്വീകരിച്ചിരുന്നു.എന്നാൽ, അവിടങ്ങളിൽ സമാധാനപരമായി ആരാധന നടക്കുന്നത്.യാക്കോബായ വിഭാഗത്തിന് അസ്തിത്വം ഉണ്ടാക്കാൻ ഖജനാവിൽ നിന്ന് ലക്ഷങ്ങൾ ചിലവാക്കി മുതിർന്ന അഭിഭാഷകരെ രംഗത്തിറക്കിയതും നേരത്തെ ഏറെ വിമർശനങ്ങൾക്ക് വഴിവെച്ചു.
