കോട്ടയം സെൻട്രൽ ഭദ്രാസന ദിനാഘോഷം സമാപിച്ചു
കോട്ടയം: യുദ്ധങ്ങളും വൈരവിദ്വേഷങ്ങളും സൃഷ്ടിക്കുന്ന മനഃസ്ഥിതികള്ക്കും വ്യക്തികള്ക്കുമെതിരേ സമാധാനത്തിനുവേണ്ടി മതനേതാക്കളില്നിന്നുയരുന്ന ശബ്ദം നന്മ ആഗ്രഹിക്കുന്ന മുഴുവന് ലോകജനതയുടെയും സ്വരമാണെന്ന് ഡോ. എം.പി. അബ്ദുസമദ് സമദാനി എംപി.
മലങ്കര ഓര്ത്തഡോക്സ് സഭയുടെ കോട്ടയം സെന്ട്രല് ഭദ്രാസനദിനത്തോടനുബന്ധിച്ചു ചെറിയപള്ളി ഓഡിറ്റോറിയത്തില് നടന്ന പൊതുസമ്മേളനത്തില് മുഖ്യപ്രഭാഷണം നടത്തുകയായിരുന്നു അദ്ദേഹം. ചില ഭരണാധികാരികളുടെ ധാര്ഷ്ട്യവും യുദ്ധവെറിയും ലോകത്ത് മനുഷ്യര്ക്ക് കഷ്ടപ്പാടുകള് സൃഷ്ടിക്കുകയാണെന്ന് ഭദ്രാസനദിനാഘോഷ സമ്മേളനം ഉദ്ഘാടനം ചെയ്ത ബസേലിയോസ് മാര്ത്തോമാ മാത്യൂസ് തൃതീയന് കാതോലിക്കാ ബാവാ പറഞ്ഞു.
സഹായ മെത്രാപ്പോലീത്ത ഡോ. യൂഹാനോന് മാര് ദിയസ്കോറോസ് മെത്രാപ്പോലീത്ത അധ്യക്ഷത വഹിച്ചു. ജനസേവന പ്രവര്ത്തനങ്ങള് നടത്തുന്ന വ്യവസായി കെ.ജെ. ജേക്കബിനെ കാതോലിക്കാ ബാവാ ആദരിച്ചു. ഭദ്രാസന സെക്രട്ടറി ഫാ. തോമസ് ജോര്ജ്, ഫാ. ബ്രിജിത്ത് കെ. ബേബി എന്നിവര് പ്രസംഗിച്ചു.
