അസമാധാനത്തിന്റെ കാർമേഘം നീങ്ങി ശാന്തി പുലരണം ; ഈസ്റ്റർ സന്ദേശം പങ്ക് വെച്ച് പരി. കാതോലിക്ക ബാവ
കൊച്ചി :പ്രത്യാശയുടെ സന്ദേശവുമായിയാണ് ഇത്തവണ ഈസ്റ്റർ എത്തുന്നതെന്ന് പൗരസ്ത്യ കാതോലിക്കയായും മലങ്കര മെത്രാപ്പോലീത്തായും ഓർത്തഡോക്സ് സഭാധ്യക്ഷനുമായ പരിശുദ്ധ ബസേലിയോസ് മാർത്തോമാ മാത്യൂസ് തൃതീയൻ ബാവ.യുദ്ധം എവിടെയോ നടക്കുന്നുവെന്ന് ലാഘവത്തോടെ കരുതുമ്പോളിപ്പോൾ പ്രതിസന്ധികളിൽ ഭാരപ്പെടുന്നു.സമാധാനം കാംഷിക്കുന്ന ലോകത്തിന്റെ മുമ്പിലേക്കാണ് ഈസ്റ്റർ .
സമാധാനത്തിന്റെ വാഹകരായി മാറുവാൻ പ്രാർത്ഥിക്കണം.യുദ്ധത്തിന്റെ പ്രതിഫലനം ഗൾഫിൽ പ്രവാസ മേഖലയെയാണ് ഏറ്റവും കൂടുതൽ ബാധിക്കുന്നത്.സത്യത്തിനും നീതിയ്ക്കും വേണ്ടി പ്രവർത്തിക്കാൻ ഉയർപ്പിന്റെ പ്രത്യാശ മൂലം ലോക രാഷ്ട്രങ്ങൾക്ക് സാധിക്കണം.ഈസ്റ്റർ ആശംസകൾ നേർന്ന് ഫെയിസ്ബുക്കിലൂടെ വിശ്വാസികളെ അഭിസംബോധന ചെയ്യുകയായിരുന്നു പരിശുദ്ധ കാതോലിക്ക ബാവ.
