വട്ടശ്ശേരിൽ തിരുമേനിയുടെ 92-മത് ഓർമ്മപ്പെരുന്നാൾ ; പേട്രൺസ് ഡേ 12ന്
കോട്ടയം: മലങ്കര മെത്രാപ്പോലീത്തായും സഭാ ഭാസുരനുമായ വട്ടശേരില് ഗീവര്ഗീസ് മാര് ദിവന്നാസിയോസിന്റെ 92-ാം ഓര്മപ്പെരുന്നാള് 22 മുതല് 28
വരെ കോട്ടയം പഴയ സെമിനാരിയില് ആചരിക്കും. 22നു രാവിലെ 6.30ന് പ്രഭാത നമസ്കാരം. 7.30നു വിശുദ്ധ കുര്ബാന, തുടര്ന്ന് പിതാക്കന്മാരുടെ കബറിടങ്ങളിലെ ധൂപപ്രാര്ഥനയ്ക്കുശേഷം ഡോ. മാത്യൂസ് മാര് തിമോത്തിയോസ് മെത്രാപ്പോലീത്ത കൊടിയേറ്റും.ഉച്ചകഴിഞ്ഞ് മൂന്നിന് സെന്റ് ഡയനീഷ്യസ് ഓര്ത്തഡോക്സ് ഫെലോഷിപ്പിന്റെ ആഭിമുഖ്യത്തില് കബറിങ്കല് അഖണ്ഡപ്രാര്ഥന. 23നു രാത്രി എട്ടിനു ചരിത്ര സെമിനാര്. തോമസ് മാര് ഇവാനിയോസ് മെത്രാപ്പോലീത്ത അധ്യക്ഷത വഹിക്കും. 24നു വൈകുന്നേരം 6ന് സന്ധ്യാനമസ്കാരം, 6.45ന് ഗാനശുശ്രൂഷ. ഏഴിനു കണ്വന്ഷന് പ്രസംഗം റവ.ഡോ. വിവേക് വര്ഗീസ്. 25ന് ഫാ. തോമസ് രാജു, 26ന് റവ.ഡോ. റെജി മാത്യു എന്നിവര് പ്രസംഗിക്കും.
27നു വൈകുന്നേരം ആറിന് സന്ധ്യാനമസ്കാരം കോട്ടയം ചെറിയ പള്ളിയില്. തുടര്ന്ന് പഴയ സെമിനാരിയിലേക്ക് പ്രദക്ഷിണം. 6.45ന് സന്ധ്യാനമസ്കാരം പഴയ സെമിനാരിയില്. കാതോലിക്കാ ബാവ മുഖ്യകാര്മികത്വം വഹിക്കും. ഡോ. ഗീവര്ഗീസ് മാര് ബര്ന്നബാസ് മെത്രാപ്പോലീത്താ പ്രസംഗിക്കും. രാത്രി 8.45നു പ്രദക്ഷിണവും തീര്ഥാടകസംഘങ്ങളും സെമിനാരിയില് എത്തിച്ചേരും. 28നു രാവിലെ 6.30ന് പ്രഭാതനമസ്കാരം. 7.30നു വിശുദ്ധ മൂന്നിന്മേല് കുര്ബാനയ്ക്ക് ബസേലിയോസ് മാര്ത്തോമ്മാ മാത്യൂസ് തൃതീയന് കാതോലിക്കാ ബാവ മുഖ്യകാര്മികത്വം വഹിക്കും. ഡോ. യൂഹാനോന് മാര് ക്രിസോസ്റ്റമോസ്, ഡോ. ജോഷ്വാ മാര് നിക്കോദിമോസ് എന്നിവര് സഹകാര്മികരാകും. തുടര്ന്ന് പ്രദക്ഷിണം.
11 മുതല് വിവിധ സമ്മേളനങ്ങള് നടക്കും. ചാപ്പലില് ചേരുന്ന ഭവനനിര്മാണ സഹായവിതരണ സമ്മേളനം കാതോലിക്കാ ബാവ ഉദ്ഘാടനം ചെയ്യും. ഏബ്രഹാം മാര് എപ്പിഫാനിയോസ് മെത്രാപ്പോലീത്താ അധ്യക്ഷത വഹിക്കും. ഓഡിറ്റോറിയത്തില് ചേരുന്ന മര്ത്തമറിയം വനിതാ സമാജം സംഗമം യൂഹാനോന് മാര് പോളിക്കാര്പ്പോസ് മെത്രാപ്പോലീത്താ ഉദ്ഘാടനം ചെയ്യും. 12ന് എക്യൂമെനിക്കല് ഹാളില് സെന്റ് ഡയനീഷ്യസ് ഓര്ത്തഡോക്സ് ഫെലോഷിപ്പ് കേന്ദ്ര അസംബ്ലി. ഉച്ചകഴിഞ്ഞ് രണ്ടിന് പേട്രണ്സ് ഡേ കാതോലിക്കാ ബാവ ഉദ്ഘാടനം ചെയ്യും. ഗീവര്ഗീസ് മാര് പീലക്സിനോസ് മെത്രാപ്പോലീത്താ അധ്യക്ഷത വഹിക്കും.
