കോലഞ്ചേരി പള്ളിയിൽ കല്ലറ തകർത്ത സംഭവത്തിൽ ദുരൂഹത

എറണാകുളം : കോലഞ്ചേരി സെൻ്റ് പീറ്റേഴ്സ് ആൻഡ് സെൻ്റ് പോൾസ് ഓർത്തഡോക്സ് പള്ളിയുടെ അധീനതയിലും പൂർണ നിയന്ത്രണത്തിലുമുള്ള സെമിത്തേരിയിലെ കല്ലറ തകർത്ത സംഭവത്തിൽ വികാരി ഫാ. ജേക്കബ് കുര്യൻ്റെ അധ്യക്ഷതയിൽ ചേർന്ന യോഗം പ്രതിഷേധിച്ചു. 2025 ജനുവരി 29,30 തീയതികളിൽ സെമിത്തേരി സംബന്ധിച്ച കേസ് സുപ്രീം കോടതി പരിഗണിക്കാനിരിക്കെ സെമിത്തേരിയിൽ അക്രമം നടത്തിയത് ഗൂഢ ലക്ഷ്യത്തോടെയാണ്. അക്രമിയെ കണ്ടെത്തി നിയമ നടപടി സ്വീകരിക്കണമെന്ന് ആവശ്യപ്പെട്ടു. ഫാ. സി.എം. കുര്യാക്കോസ്, ഫാ. ഗീവർഗീസ് അലക്സ്, ഫാ. കുര്യാക്കോസ് അലക്സ്, ട്രസ്റ്റിമാരായ സാജു പടിഞ്ഞാക്കര, ജോർജ് സി. കുരുവിള, സെക്രട്ടറി ജയിംസ് മലയിൽ, അഡ്വ. മാത്യു പി. പോൾ തുടങ്ങിയവർ പ്രസംഗിച്ചു.