ദേവലോകം പെരുന്നാൾ : ജനുവരി 2 ,3 തീയതികളിൽ
പരിശുദ്ധ ബസേലിയോസ് ഗീവര്‍ഗീസ് ദ്വിതീയന്‍ കാതോലിക്കാ ബാവായുടെ 61-ാം ഓര്‍മ്മപ്പെരുന്നാളിനോടനുബന്ധിച്ച് പരിശുദ്ധ ബസേലിയോസ് ഔഗേന്‍ പ്രഥമന്‍, പരിശുദ്ധ ബസേലിയോസ് മാര്‍ത്തോമ്മാ മാത്യൂസ് പ്രഥമന്‍, പരിശുദ്ധ ബസേലിയോസ് മാര്‍ത്തോമ്മാ പൗലോസ് ദ്വിതീയന്‍ എന്നീ കാതോലിക്കാ ബാവാമാരുടെയും സംയുക്ത ഓര്‍മ്മപ്പെരുന്നാള്‍ 2025 ജനുവരി 2, 3 തീയതികളില്‍ ദേവലോകം പെരുന്നാളായി ആചരിക്കുന്നു. പെരുന്നാളിന്റെ സുഗമമായ നടത്തിപ്പിനുവേണ്ടി പ. കാതോലിക്കാ ബാവാ തിരുമേനിയുടെ നിര്‍ദ്ദേശപ്രകാരം അഭി. ഡോ. യൂഹാനോന്‍ മാര്‍ ദീയസ്‌കോറോസ് മെത്രാപ്പോലീത്തായുടെ അദ്ധ്യക്ഷതയില്‍ ചേര്‍ന്ന ആലോചനാ യോഗത്തില്‍ വിവിധ കമ്മറ്റികള്‍ രൂപീകരിച്ചു.
ഫാ. കുറിയാക്കോസ് ഏലിയാസ്, ബിനു കെ. ചെറിയാന്‍ എന്നിവര്‍ ജനറല്‍ കണ്‍വീനര്‍മാരായും,ഫാ. കെ.എം. സഖറിയ, ഫാ. പി.എ. ഫിലിപ്പ്, ഫാ. അലക്‌സ് തോമസ്, ഫാ. ജിബിൻ സക്കറിയ, എ.കെ. ജോസഫ്, ജിന്റോ കെ. വര്‍ഗീസ്, സാം വര്‍ഗീസ്, മോനി മാത്യു എന്നിവര്‍ പബ്ലിസിറ്റി കണ്‍വീനര്‍മാരായും,ഫാ. അലന്‍ കെ. വര്‍ഗീസ്, ഫാ. ജോണ്‍ ശങ്കരത്തില്‍ കോര്‍ എപ്പിസ്‌ക്കോപ്പാ, ഫാ. തോമസ് ജോര്‍ജ്, ജോയി മാത്യു, മനു വര്‍ഗീസ്, സ്‌കറിയ ചാക്കോ, പ്രമോദ് വി. ജേക്കബ്, റിങ്കു ജേക്കബ്, എ.വി. വര്‍ഗീസ്, കോശി മാത്യു എന്നിവര്‍ തീര്‍ത്ഥയാത്ര കണ്‍വീനര്‍മാരായും,ഫാ. ജോബിന്‍ വര്‍ഗീസ്, സിബി വര്‍ക്കി, മാത്യു ഉലഹന്നാന്‍ എന്നിവര്‍ ഫുഡ് കമ്മറ്റി കണ്‍വീനര്‍മാരായും ഫാ. മാത്യു കോശി, ഫാ. ബിനു മാത്യു ഇട്ടി, അനില്‍മോന്‍ എന്‍.എ., അജയ് റോയി എന്നിവര്‍ ലൈറ്റ് & സൗണ്ട് കണ്‍വീനര്‍മാരായും തെരഞ്ഞെടുത്തു. ദേവലോകം അരമന മാനേജര്‍ ഫാ. യാക്കോബ് റമ്പാന്‍ പെരുന്നാള്‍ ക്രമീകരണങ്ങള്‍ക്ക് നേതൃത്വം നല്‍കും.
