ആക്ഷേപങ്ങള്‍ക്ക് മറുപടിയുമായി ഓർത്തോഡോക്‌സ് സഭ

യാക്കോബായ വിഭാഗത്തിലെ മെത്രാൻ വേഷധാരികൾ എന്ന് അവകാശപ്പെടുന്നവര്‍  ഭ്രാന്തമായ ജല്പനങ്ങളാണ്  നടത്തുന്നതെന്ന് ഓർത്തോഡോക്‌സ് സഭ മാധ്യമ സമിതി അധ്യക്ഷൻ ഡോ.ഗീവർഗീസ് മാർ യൂലിയോസ്‌. പരിശുദ്ധ കാതോലിക്ക ബാവയെ അപായപ്പെടുത്തുമെന്നും ഇറച്ചി വിൽക്കുമെന്നും മണർകാട് പള്ളിയിൽ വെച്ച് പരാമർശിച്ചിരുന്നു. ഇത്തരം ഭീകര വാദം ഭാരതത്തിലും കേരളത്തിലും സഭയിലും നടക്കുകയില്ലെന്ന് അഹമ്മദാബാദ് ഭദ്രാസന മെത്രാപ്പോലീത്താ കൂടിയായ മാർ യൂലിയോസ്‌ കൂട്ടിച്ചേർത്തു. കരിന്തിരി കത്തുന്നതിന്റെ മാനസികാവസ്ഥയിലാണ്. അതങ്ങനെ തീർന്നുക്കൊള്ളും. പള്ളികളും ജനങ്ങളും കാലക്രമേണ മലങ്കര സഭയുടേതാകും. ജനങ്ങളെ കബളിപ്പിച്ച മെത്രാൻ വേഷധാരികളെ തള്ളിപ്പറയുവാൻ അവർ തുടങ്ങി. ഇതിനുള്ള മന:പ്രയാസമാണ് ഇത്തരം ജല്പനങ്ങളിലൂടെ പുറത്ത് വരുന്നതെന്നും  അദ്ദേഹം പറഞ്ഞു.