സഭാ സമാധാനത്തിന് സുപ്രീം കോടതി വിധി ഏവരും അംഗീകരിക്കുക -ഡോ മാത്യുസ് മാർ സേവേറിയോസ്

സുപ്രീം കോടതി വിധി ദൈവകൃപയുടെ അടയാളമാണ്. കോലഞ്ചേരി പള്ളി കേസിൽ ഓർത്തഡോക്സ് സഭയുടെ നിലപാട് ശരി എന്നാണ് സുപ്രീം കോടതി അംഗീകരിക്കുന്നത്. സഭയിൽ സമാധാനം ഉണ്ടാകുവാനുള്ള നല്ല അവസരം ആണ് സംജാതമായിരിക്കുന്നത്. 1934 ലെ ഭരണഘടന അനുസരിച്ച് മുന്നോട്ട് പോയാൽ എന്നാളും സമാധാനം ഉണ്ടാകും. ഏതിർ വിഭാഗത്തിന്റെ 2002 ലെ സഭ ഭരണഘടന സാധുവല്ലെന്ന് സുപ്രീം കോടതി അസ്നിഗ്ദ്ധമായി പ്രഖ്യാപിച്ചിരിക്കുകയാണ്. സഭയിൽ സമാധാനം ഉണ്ടാകുവാനായി ഏവരും പ്രാർത്ഥിക്കണമെന്നും അദ്ദേഹം കൂട്ടി ചേർത്തു .