യാക്കോബായ വിഭാഗക്കാർക്കെതിരെ കേസെടുത്ത് രാമമംഗലം പോലീസ്

പിറവം :പിറമാടം സെന്റ് ജോൺസ് ബത്‌ തലഹേം ഓർത്തഡോക്സ് പള്ളിയിൽ അതിക്രമം നടത്തിയ വൈദീകനടക്കമുള്ള യാക്കോബായ വിഭാഗക്കാരെ  പ്രതി ചേർത്ത് കേസെടുത്തു.പള്ളി ഭാരവാഹികളുടെ പരാതിയിലാണ് രാമമംഗലം പോലീസ് എഫ് ഐ ആർ രജിസ്റ്റർ ചെയ്തത്. വികാരിരെയും സഹ വികാരിയെയും ദേവാലയത്തിലും, കുരിശടികളിലും സെമിത്തേരിയിലും ആത്മീയ കർമ്മങ്ങൾ നിർവ്വഹിക്കുന്നതിന് യാക്കോബായ വിഭാഗക്കാർ തടസ്സം സൃഷ്ടിക്കരുതെന്ന് മൂവാറ്റുപുഴ സബ് കോടതി ഉത്തരവിട്ടതിനെ തുടർന്നാണ് ആരാധനക്കെത്തിയത്.

യാക്കോബായ വിഭാഗക്കാർക്കെതിരെ കേസിൽ ജാമ്യമില്ലാക്കുറ്റവും ചുമത്തി.അപകടകരമായ ആയുധമോ മാർഗ്ഗമോ ഉപയോഗിച്ച് പരിക്കേൽപ്പിയ്ക്കൽ BNS 115(2), ഭീഷണിപ്പെടുത്തൽ 351(2) ,മതപരമായ ആരാധനക്ക് തടസ്സം സൃഷ്ടിക്കൽ BNS 296 (B) തുടങ്ങിയ വകുപ്പുകൾ പ്രതികൾക്കെതിരെ കേസിൽ പെടുന്നു.

ഫാ.എബിൻ എബ്രഹാമും ഇടവകാംഗങ്ങൾക്കും അക്രമത്തിൽ പരിക്കേറ്റു കോലഞ്ചേരി മെഡിക്കൽ കോളേജ് ആശുപത്രിയിൽ ചികിത്സയിലാണ്. സഭാ സെക്രട്ടറി അഡ്വ.ബിജു ഉമ്മൻ ബഹു.അച്ഛനെ ആശുപത്രിയിൽ സന്ദർശിച്ചു.

പിറമാടം പള്ളിയെ സംബന്ധിച്ച് വസ്തുതകൾ മറച്ച് വെച്ച് വൈകാരികത മാത്രം ലക്ഷ്യമാക്കിയുള്ള യാക്കോബായ പ്രചരണത്തിനെതിരെ ഓർത്തഡോക്സ് സഭ .വിശദീകരിച്ച് സഭാ മാധ്യമ വിഭാഗം പ്രസിഡന്റ് ഡോ.യുഹാനോൻ മാർ ദിയീസ്ക്കോറോസ് മെത്രാപ്പോലീത്താ