ഓർത്തഡോക്സ് സഭ മെത്രാൻ തിരെഞ്ഞെടുപ്പ് ; അന്തിമ സ്ഥാനാർത്ഥി പട്ടികയായി

കോട്ടയം : ഓർത്തഡോക്സ് സഭയുടെ നാല് മെത്രാപ്പോലീത്താ സ്ഥാനത്തേക്കുള്ള തിരെഞ്ഞെടുപ്പിനുള്ള അന്തിമ സ്ഥാനാർത്ഥി പട്ടിക പുറത്ത്.പഴയ സെമിനാരിയിൽ ചേർന്ന സഭാ മാനേജിംഗ് കമ്മിറ്റി യോഗത്തിലായിരുന്നു സ്ഥാനാർത്ഥികളെ നാമ നിർദ്ദേശം ചെയ്തത്.സ്ക്രീനിംഗ് കമ്മിറ്റിയുടെ പട്ടികയിൽ നിന്നാണ് സഭാ മാനേജിംഗ് കമ്മിറ്റിയിലെ തിരെഞ്ഞെടുപ്പിലൂടെ അന്തിമ രൂപം നൽകിയത്.

റവ.ഫാ. അനീഷ് കെ സാം,റവ.ഫാ. എൽദോസ് എ.എ
,റവ.ഫാ. സാംജി.ടി.ജോർജ്,റവ.ഫാ. ഷിബു വേണാട് മത്തായി,വെരി.റവ.ഫാ. തോമസ് പോൾ റമ്പാൻ
,വെരി.റവ.ഫാ. യാക്കോബ് തോമസ് റമ്പാൻ എന്നിവരാണ് നാമ നിർദ്ദേശം ചെയ്യപ്പെട്ട സ്ഥാനാർത്ഥികൾ.

പരിശുദ്ധനായ പരുമല തിരുമേനിയുടെ ജന്മനാടാണ് മെത്രാൻ തിരെഞ്ഞെടുപ്പിന് ഇക്കുറി മലങ്കര സുറിയാനി ക്രിസ്ത്യാനി അസോസിയേഷന് വീണ്ടും വേദിയാകുന്നത്. ഓഗസ്റ്റ് 27 ന് മുളന്തുരുത്തി മാർത്തോമ്മൻ പള്ളിയിൽ ചേരുന്ന പരി.എപ്പിസ്കോപ്പൽ സുന്നഹദോസിനെ തുടർന്ന് വെട്ടിക്കൽ സെന്റ് തോമസ് ദയറയിലാണ് മലങ്കര അസോസിയേഷൻ സമ്മേളിക്കുന്നത്.രാജ്യത്തിനകത്തും പുറത്ത് നിന്നുമായി ഇടവക തലത്തിൽ തിരെഞ്ഞെടുക്കപ്പെട്ട 4000-ഓളം പ്രതിനിധികളാണ് മലങ്കര അസോസിയേനിൽ വോട്ടവകാശം.

ഇന്ത്യയിൽ നിന്നുള്ള പ്രതിനിധികൾ നേരിട്ടും വിദേശത്ത് നിന്നുള്ള പ്രതിനിധികൾ ഓൺലൈനായും വോട്ട് രേഖപ്പെടുത്തും.