ഓർത്തഡോക്സ് വിശ്വാസ സംരക്ഷകൻ സംഘടിപ്പിക്കുന്ന ‘സ്മൃതി ദീപം 2026’ ജൂലൈ 11ന്

കോട്ടയം: മലങ്കര സഭയുടെ നവോത്ഥാന ശിൽപിയും സത്യവിശ്വാസത്തിന്റെ കാവൽഭടനുമായിരുന്ന സഭാ തേജസ് അഭിവന്ദ്യ പുലിക്കോട്ടിൽ ജോസഫ് മാർ ദീവന്നാസ്യോസ് രണ്ടാമൻ തിരുമേനിയുടെയും, പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവാ തിരുമേനിയുടെയും സംയുക്ത അനുസ്മരണ സമ്മേളനം സ്മൃതി ദീപം 2026 ജൂലൈ 11 ശനിയാഴ്ച കോട്ടയം പഴയ സെമിനാരിയിൽ നടക്കും.

പ്രാർത്ഥനകളോടും നിലപാടുകളോടും കൂടി മലങ്കര സഭയെ നയിച്ച രണ്ട് പരിശുദ്ധ പിതാക്കന്മാരുടെ ഓർമ്മയ്ക്കായാണ് ഓർത്തഡോക്സ് വിശ്വാസ സംരക്ഷകൻ അനുസ്മരണ സമ്മേളനം സംഘടിപ്പിക്കുന്നതെന്ന് ഭാരവാഹികൾ പറഞ്ഞു.
2026 ജൂലൈ 11 ശനിയാഴ്ച സമയം ഉച്ചയ്ക്ക് 2:30 ന് പഴയ സെമിനാരിയിലെ സോഫിയ സെന്ററാണ് വേദി.

കുന്നംകുളം ഭദ്രാസനാധിപൻ അഭി. ഡോ. ഗീവർഗീസ് മാർ യൂലിയോസ് മെത്രാപ്പോലീത്ത ഉദ്ഘാടനം ചെയ്യും. റവ. ഫാ. ഡോ. വർഗീസ് വർഗീസ് മീനടം അനുസ്മരണ പ്രഭാഷണം നടത്തും.

പരിശുദ്ധ സഭയുടെ വിശ്വാസപൈതൃകം, പാരമ്പര്യം, രണ്ട് പിതാക്കന്മാരുടെയും ജീവിത സാക്ഷ്യവും സഭയ്ക്ക് നൽകിയ സംഭാവനകളും സമ്മേളനത്തിൽ വിശദമായി ചർച്ച ചെയ്യും. വിശ്വാസികൾക്കും പൊതുജനങ്ങൾക്കും പങ്കെടുക്കാവുന്നതാണ്.

കൂടുതൽ വിവരങ്ങൾക്ക്: www.ovsonline.in