പൗലോസ് ദ്വിതീയൻ ബാവായുടെ 5-ാം ശ്രാദ്ധ പെരുന്നാൾ ജൂലൈ 12,13 തീയതികളിൽ
കോട്ടയം: മലങ്കര ഓർത്തഡോക്സ് സുറിയാനി സഭയുടെ കാലം ചെയ്ത ഭാഗ്യസ്മരണാർഹനായ പരിശുദ്ധ ബസേലിയോസ് മാർത്തോമാ മാത്യൂസ് തൃതീയൻ കാതോലിക്കാ ബാവയുടെ 5-ാം ശ്രാദ്ധ പെരുന്നാൾ 2026 ജൂലൈ 5 ന് കൊടിയേറും. കാതോലിക്ക ബാവയുടെ കബർ സ്ഥിതി ചെയ്യുന്ന സഭാ ആസ്ഥാനമായ ദേവലോകം കാതോലിക്കേറ്റ് അരമനയിൽ ജൂലൈ 12,13 വരെ തീയതികളിൽ നടക്കും. ഒൻപത് ദിവസങ്ങളിലായി വിശുദ്ധ കുർബാനകൾ, പ്രാർത്ഥനാ ശുശ്രൂഷകൾ, അനുസ്മരണ സമ്മേളനങ്ങൾ, പ്രദക്ഷിണം, ആശീർവാദം, പൊതുഭക്ഷണം തുടങ്ങിയ വിവിധ പരിപാടികൾ ക്രമീകരിച്ചിട്ടുണ്ട്.
ജൂലൈ 6 മുതൽ 11 വരെ എല്ലാ ദിവസവും രാവിലെ 7 മണിക്ക് വിശുദ്ധ കുർബാന നടക്കും.ജൂലൈ 12 (ഞായർ) പ്രധാന ദിനാചരണത്തിന്റെ ഭാഗമായി രാവിലെ 6.30ന് പ്രഭാത നമസ്കാരവും 7.30ന് വിശുദ്ധ കുർബാനയും നടക്കും. കുർബാനയ്ക്ക് നിരണം ഭദ്രാസനാധിപൻ ഡോ.യുഹാനോൻ മാർ ക്രിസോസ്റ്റമോസ് മെത്രാപ്പോലീത്ത നേതൃത്വം നൽകും. വൈകിട്ട് 5.30ന് വിവിധ ഭദ്രാസനങ്ങളിൽനിന്നും എത്തിച്ചേരുന്ന തീർത്ഥാടകർക്കുള്ള സ്വീകരണം നടക്കും. തുടർന്ന് വൈകിട്ട് 6 മണിക്ക് സന്ധ്യാ നമസ്കാരവും 7 മണിക്ക് അനുസ്മരണ സമ്മേളനവും നടക്കും. സമ്മേളനത്തിൽ സഭാ-സാമൂഹിക രംഗത്തെ പ്രമുഖർ പങ്കെടുക്കും. രാത്രി 7.30ന് പ്രദക്ഷിണവും 8.30ന് റാസ, ആശീർവാദം, നേർച്ചഭക്ഷണം എന്നിവയും ഉണ്ടായിരിക്കും.
ജൂലൈ 13 (തിങ്കൾ)രാവിലെ 6.30ന് പ്രഭാത നമസ്കാരവും 7.30ന് വിശുദ്ധ കുർബാനയും നടക്കും. പരിശുദ്ധ ബസേലിയോസ് മാർത്തോമ്മ മാത്യൂസ് തൃതീയൻ കാതോലിക്കാ ബാവയുടെ മുഖ്യ കാർമ്മികത്വത്തിൽ വി.മൂന്നിന്മേൽ കുർബ്ബാനക്ക് ശേഷം കബറിങ്കൽ ധൂപ പ്രാർത്ഥന. ഡോ. യുഹാനോൻ മാർ ദിയസ്കോറോസ്, ഡോ.ഗീവർഗ്ഗീസ് മാർ യൂലിയോസ് മെത്രാപ്പോലീത്തമാർ സഹ കാർമ്മീകരാകും . തുടർന്ന് അനുസ്മരണ യോഗവും പ്രാർത്ഥനയും പ്രത്യേക ശുശ്രൂഷകളും നടക്കും. രാവിലെ 9.30ന് പ്രദക്ഷിണം, ആശീർവാദം, നേർച്ചവിളമ്പ് എന്നിവയോടെ പെരുന്നാൾ സമാപിക്കും.
ഭരണകാലം സഭാ സ്നേഹികളെ സംബന്ധിച്ച് ഏറെ അവിസ്മരണീയമായിരുന്നു. പുരാതനമായ പല പള്ളികളിലും ഭരണം പുനസ്ഥാപിക്കപ്പെട്ട നാളുകളായിരുന്നു കടന്ന് പോയത് . കോലഞ്ചേരി,പിറവം,തൃക്കുന്നത്ത് സെമിനാരി,മുളന്തുരുത്തി ,കടമറ്റം,വരിക്കോലി,കണ്ടനാട് തുടങ്ങിയ ദേവാലയങ്ങൾ ഉദാഹരണം. ഒട്ടനവധി പള്ളികളിൽ വിധി നടത്തിപ്പിന് കളം ഒരുങ്ങിയതോടെ മറു വിഭാഗത്തിൽ നിന്ന് ഏറ്റവും കൂടുതൽ അധിക്ഷേപം ഏറ്റു വാങ്ങേണ്ടി വന്നു. പ്രതീകാത്മക ശവ മഞ്ചം ചുമന്ന് പ്രതിഷേധിച്ച മുളന്തുരുത്തിയിലും പിന്നീട് കാലത്തിന്റെ കാവ്യനീതി നടപ്പായി.
