മൈലപ്ര പള്ളിപ്പെരുന്നാൾ ; വെച്ചൂട്ടും ചെമ്പെടുപ്പും മെയ് 7 ന്

പത്തനംതിട്ട : പ്രസിദ്ധമായ തീർത്ഥാടന കേന്ദ്രമായ മൈലപ്ര സെന്റ് ജോർജ് ഓർത്തഡോക്സ് വലിയ പള്ളി പെരുന്നാളിന് കൊടിയേറ്റ് ഏപ്രിൽ 26ന് നടക്കും.27 ന് വി.കുർബ്ബാനയ്ക്ക് ഡോ.യുഹാനോൻ മാർ ദിയസ്ക്കോറോസ് നേതൃത്വം നൽകും.മെയ് 2 ന് 3 മണിക്ക് സെന്റ് ഡയനീഷ്യസ് ഓർത്തഡോക്സ് ഫെലോഷിപ്പ് ഭദ്രാസന തല ഉദ്ഘാടനം ഡോ.എബ്രഹാം മാർ സെറാഫിം നിർവ്വഹിക്കും.3 ന് വി.കുർബ്ബാനയ്ക്ക് മാർ സെറാഫിം നേതൃത്വം നൽകും.

തീർത്ഥാടന വാരാഘോഷത്തിന് തുടക്കമിടുന്ന സമ്മേളനത്തിൽ പെരുന്നാളിനോട് അനുബന്ധിച്ചു ഏർപ്പെടുത്തിയ ജോർജ്ജിയൻ അവാർഡ് ഫോർ എക്സലൻസ് മുത്തൂറ്റ് ഗ്രൂപ്പ്‌ ചെയർമാൻ ജോർജ് ജേക്കബ് മുത്തൂറ്റിന് സമർപ്പിക്കും.5 ന് 7 മണിക്ക് സഭാ വൈദീക ട്രസ്റ്റി ഫാ.ഡോ.തോമസ് വർഗ്ഗീസ് അമയിൽ ഉദ്ഘാടനം ചെയ്യുന്ന കുടുംബം സംഗമത്തിൽ ചലച്ചിത്ര താരം പ്രേമം കുമാർ സന്ദേശം നൽകും.

6 ന് 5.30 ക്ക് തീർത്ഥാടക സംഗമം, നമസ്കാരം,7.15 ന് പ്രദക്ഷിണം.പ്രധാന പെരുന്നാൾ ദിനമായ മെയ് 7 ന് 7.30 മണിക്ക് ഡോ.ഗീവർഗ്ഗീസ് മാർ യൂലിയോസിന്റെ മുഖ്യകാർമ്മീകത്വത്തിൽ വി.മൂന്നിന്മേൽ കുർബ്ബാനയിൽ യാക്കോബ് റമ്പാൻ കോർ എപ്പിസ്കോപ്പ, ഹബീബ് ജോസഫ് റമ്പാൻ സഹകാർമ്മീകരാകും.തുടർന്ന് പെരുന്നാൾ വെച്ചൂട്ടും പ്രസിദ്ധമായ ചെമ്പെടുപ്പും