ഓർത്തഡോക്സ് സഭയുടെ കാതോലിക്ക ദിനാഘോഷം 22 ന്
കോട്ടയം : ഓർത്തഡോക്സ് സഭാ (കാതോലിക്ക) ദിനാഘോഷം മാർച്ച് 22 ന് നടത്തപ്പെടുന്നു.ഞായറാഴ്ച്ച രാവിലെ എല്ലാ ദേവാലയങ്ങളിലും കാതോലിക്കേറ്റ് പതാക ഉയര്ത്തുകയും വി. കുര്ബ്ബാന മദ്ധ്യേ പരിശുദ്ധ സഭയ്ക്കുവേണ്ടിയുളള പ്രത്യേക പ്രാര്ത്ഥന നടത്തുകയും ചെയ്യും.
വി. കുര്ബ്ബാനയ്ക്ക് ശേഷം പരിശുദ്ധ സഭയുടെ വിശ്വാസം, പാരമ്പര്യം, സ്വാതന്ത്യം, പൂര്വ പിതാക്കന്മാരുടെ ധീരമായ നിലപാടുകള് എന്നിവയെ സംബന്ധിച്ച് ഓരോ ദേവാലയങ്ങളിലും പ്രത്യേക പ്രബോധനങ്ങളും സെമിനാറുകളും നടക്കും. വി. കുര്ബ്ബാനയെത്തുടര്ന്ന് എല്ലാ ദേവാലയങ്ങളിലും സഭാ ദിന പ്രതിജ്ഞ ഏറ്റുചൊല്ലും .സഭാ തല ഉദ്ഘാടനം പരിശുദ്ധ കാതോലിക്ക ബാവ നിർവ്വഹിക്കും.ഭദ്രാസന കേന്ദ്രങ്ങളിൽ മെത്രാപ്പോലീത്താമാർ നേതൃത്വം നൽകും.
