ഓർത്തഡോക്സ് സഭയുടെ സെമിനാരി ദിനം ഒക്ടോബർ 5 ന്
കോട്ടയം : ഓർത്തഡോക്സ് സഭയുടെ ഇക്കൊല്ലത്തെ സെമിനാരി ദിനാചരണം ഒക്ടോബർ 5 ന് .അന്നേ ദിവസം പള്ളികളിൽ പ്രത്യേക പ്രാർത്ഥനയും സെമിനാരിയിലെ പ്രവർത്തനങ്ങൾക്ക് ധന ശേഖരണവും നടക്കും.കോട്ടയത്തെ പഴയ സെമിനാരിയിൽ ബി ഡി ഡിഗ്രിക്ക് 88 വിദ്യാർത്ഥികളും നാഗ്പൂർ സെമിനാരിയിൽ 46 വിദ്യാർത്ഥികളും പഠിക്കുന്നുണ്ട്.ഇതര സഭകളിൽ നിന്ന് 26 വിദ്യാർത്ഥികളും മാസ്റ്റർ ,ഡോക്ട്രേറ്റ് കോഴ്സുകൾ ചെയ്യുന്നുണ്ട്.
പഴയ സെമിനാരിയിൽ വർദ്ധിച്ചു വരുന്ന വൈദ്യുതി ബില്ല് കുറയ്ക്കാൻ സോളാർ സംവിധാനം നടപ്പാക്കാൻ പദ്ധതി ആവിഷ്കരിച്ചിട്ടുണ്ട്.ശ്രുതി സ്കൂൾ ഓഫ് ലിറ്റർജിക്കൽ മ്യൂസിക്കിന്റെ പ്രവർത്തനം ഓൺലൈനിലേക്ക് വ്യാപിപ്പിച്ചു.ഇതിൽ സുറിയാനി പഠനവും,സംഗീത പരിശീലനവും ശബ്ദ നിയന്ത്രണ പരിശീലനവും ഉൾപ്പെടുന്നു.വിദ്യാബോധനം പഠന പദ്ധതി അനേകം പേർക്ക് ഗുണകരമാകുന്നു – പൗരസ്ത്യ കാതോലിക്കയായും മലങ്കര മെത്രാപ്പോലീത്തയും ഓർത്തഡോക്സ് സഭാധ്യക്ഷനുമായ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ ബാവ പള്ളികൾക്ക് അയച്ച കൽപ്പനയിൽ പറയുന്നു. 1000 രൂപ വീതം നൽകി seminary friends ആകണമെന്ന് പരിശുദ്ധ കാതോലിക്കാ ബാവ പ്രസ്താവിച്ചു.
