പരിശുദ്ധ കാതോലിക്കാ ബാവായ്ക്കു സ്വീകരണം.

കോട്ടയം∙ ചെറിയപള്ളി ഓർത്തഡോക്സ് മഹാഇടവകയുടെ ശൂനോയോ നോമ്പാചരണവും പെരുന്നാളിനോടനുബന്ധിച്ചു നാളെ രാവിലെ 6.30-നു പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവായ്ക്കു സ്വീകരണവും. ഏഴിനു നമസ്കാരം, എട്ടിനു കുർബാനയ്ക്കു പരിശുദ്ധ കാതോലിക്കാ ബാവാ കാർമികത്വം വഹിക്കും. കുർബാനയ്ക്കുശേഷം അനുമോദന സമ്മേളനം. 9.30-ന് ഇടവക നിർമിച്ചുനൽകുന്ന ഭവനത്തിന്റെ താക്കോൽദാനം. ആറിനു സന്ധ്യാനമസ്കാരം, ഏഴിനു പ്രാർഥനാസംഗമം – പുല്ലരിക്കുന്ന് ജീവധാര ബഥനി ചാപ്പൽ. ധ്യാനപ്രസംഗം – ഫാ. ജിത്തു തോമസ്.

ഓർത്തഡോക്സ് ക്രൈസ്തവ യുവജനപ്രസ്ഥാനം കോട്ടയം ഭദ്രാസനപ്രവർത്തന ഉദ്ഘാടനം

കോട്ടയം∙ ഓർത്തഡോക്സ് ക്രൈസ്തവ യുവജനപ്രസ്ഥാനം കോട്ടയം ഭദ്രാസനത്തിന്‍റെ പ്രവർത്തന ഉദ്ഘാടനം തോട്ടക്കാട് മാർ അപ്രേം പള്ളിയിൽ നാളെ 1.30-നു ഭദ്രാസന വൈസ് പ്രസിഡന്റ് ഫാ. കുര്യാക്കോസ് മാണിയുടെ അധ്യക്ഷതയിൽ ചേരും. ഡോ. യൂഹാനോൻ മാർ ദിയസ്കോറോസ് അധ്യക്ഷത വഹിക്കും. കോട്ടയം ഭദ്രാസന സെക്രട്ടറിയായി തിരഞ്ഞെടുത്ത ഫാ. പി. കെ. കുര്യാക്കോസിനേയും പത്താം ക്ലാസ്, പ്ലസ് ടു പരീക്ഷകളിൽ എല്ലാ വിഷയങ്ങൾക്കും എ പ്ലസ് നേടിയ വിദ്യാർഥികളെയും അനുമോദിക്കും. ക്ലിനിക്കൽ സൈക്കോളജിസ്റ്റ് ജാനറ്റ് മേരി ടിസിൽ മാർഗനിർദേശ ക്ലാസെടുക്കും.

കഴുന്നുവലം മെത്രാഞ്ചേരി പള്ളിയിൽ ദൈവമാതാവിന്‍റെ വാങ്ങിപ്പു പെരുന്നാൾ

അമയന്നൂർ ∙ കഴുന്നുവലം മെത്രാഞ്ചേരി സെന്റ് തോമസ് ഓർത്തഡോക്സ് പള്ളിയിൽ ദൈവമാതാവിനോടുള്ള മധ്യസ്ഥപ്രാർഥനയും പ്രബോധന ശുശ്രൂഷയും. ഇന്നു വൈകുന്നേരം ഗാനശുശ്രൂഷ, ബസലേൽ റമ്പാന്റെ പ്രസംഗം. നാളെ ഫാ. റെജി ലൂക്കോസ് (കൊട്ടാരക്കര), 14ന് മെർലിൻ ടി. മാത്യു (പുത്തൻകാവ്) എന്നിവർ പ്രസംഗിക്കും. 15-ന് ഏഴിനു ഫാ. പി. എ. തോമസിന്റെ കാർമികത്വത്തിൽ കുർബാന, തുടർന്നു റാസ, നേർച്ചവിളമ്പ്.