നിലയ്ക്കൽ പള്ളി ശതോത്തര രജത ജൂബിലി സമാപന സമ്മേളനം 25-ന്‌
പുതുപ്പള്ളി : നിലയ്ക്കൽ ഓർത്തഡോക്സ് പള്ളി ശതോത്തര രജത ജൂബിലി സമാപന സമ്മേളനവും ജൂബിലി സ്മാരക കെട്ടിട സമുച്ചയത്തിന്റെ കൂദാശയും നാളെയും മറ്റന്നാളുമായി നടത്തപ്പെടുന്നു.സഭാ ആസ്ഥാനമായ ദേവലോകം കാതോലിക്കേറ്റ് അരമനയിൽ കബറടങ്ങിയിരിക്കുന്ന പരിശുദ്ധ പിതാക്കന്മാരുടെ കബറിങ്കൽ നിന്നു നാളെ നാലിനു കൂദാശാ വിളംബര ഘോഷയാത്ര നടത്തും. 6.30നു സന്ധ്യാനമസ്കാരത്തെത്തുടർന്നു ഫാ. സക്കറിയാ തോമസ് പടിഞ്ഞാറേ വടക്കേക്കര സന്ദേശം നൽകും.
25നു രാവിലെ എട്ടിനു മൂന്നിന്മേൽ കുർബാന. പരിശുദ്ധ ബസേലിയോസ് മാർത്തോമ്മ പൗലോസ് ദ്വിതീയൻ കാതോലിക്കാ ബാവാ പ്രധാന കാർമികത്വം വഹിക്കും. 10നു പൊതുസമ്മേളനം ബാവാ ഉദ്ഘാടനം ചെയ്യും. ഡോ. യൂഹാനോൻ മാർ ദിയസ്കോറസ് അധ്യക്ഷത വഹിക്കും.സ്ഥലം എം.എല്‍.എ ഉമ്മൻചാണ്ടി മുഖ്യപ്രഭാഷണം നടത്തും. 10.45നു ജൂബിലി സ്മാരക മന്ദിരത്തിന്റെ കൂദാശ, ശ്ലൈഹികവാഴ്‌വ്, തുടർന്നു സ്നേഹവിരുന്ന്, വൈകിട്ട് 6.30നു ഫാ. ഫിലിപ് കെ.പോളിന്റെ നേതൃത്വത്തിൽ ക്രിസ്തീയ ഗാനസന്ധ്യ. തുടർന്ന് ആശീർവാദം, സമാപനം.
