കോട്ടയത്തെ പള്ളികളിൽ യാക്കോബായ പക്ഷത്തിന് നിരോധന ഉത്തരവിന് അംഗീകാരം
കോട്ടയം : ഓർത്തഡോക്സ് സഭയുടെ കോട്ടയം ഭദ്രാസനത്തിലെ പള്ളികളിൽ വിഘടിത വിഭാഗമായ യാക്കോബായ പക്ഷത്തിന് തിരിച്ചടി.പ്രാദേശിക നേതാവ് തോമസ് മാർ തീമോത്തിയോസ് പ്രവേശിക്കുന്നതിന് നിരോധനം ഏർപ്പെടുത്തിയ കീഴ് കോടതി വിധികൾക്കെതിരെ ഹൈക്കോടതിയിൽ ഫയൽ ചെയ്ത അപ്പീൽ തള്ളി ഉത്തരവായി.
മാർ തിമോത്തിയോസ് ഓർത്തഡോക്സ് സഭയുടെ കോട്ടയം ഭദ്രാസനത്തിലെ പള്ളികളിൽ പ്രവേശിക്കുന്നത് തടയണമെന്നാവശ്യപ്പെട്ട് കോട്ടയം ഭദ്രാസനാംഗങ്ങളായ ജോമോൻ ജോർജ്, ഫിലിപ്പോസ് പോട്ടയ്ക്കാവലിൽ ,രാജു പാറമ്പുഴ, പ്രകാശ് വർഗീസ്, ചെറിയാൻ മണിയാല എന്നിവർ ചേർന്ന് അഡ്വ എം സി. സ്കറിയ മുഖാന്തിരം കോട്ടയം മുൻസിഫ് കോടതിയിൽ നൽകിയ ഹർജിയിലെ നിരോധന ഉത്തരവിനെതിരെയാണ് ഹൈക്കോടതിയിൽ അപ്പീലുമായി യാക്കോബായ പക്ഷം സമീപിച്ചത്.
