ഓർത്തഡോക്സ് സഭ ഭവന നിര്മ്മാണ സഹായ വിതരണം 28-ന് പഴയ സെമിനാരിയില്
കോട്ടയം: മലങ്കര ഓര്ത്തഡോക്സ് സഭയുടെ ഭവന നിര്മ്മാണ സഹായ പദ്ധതിയുടെ ഭാഗമായി ജാതിമതഭേദമെന്യേ സാമ്പത്തികമായി ബുദ്ധിമുട്ട് അനുഭവിക്കുന്ന 110 കുടുംബങ്ങള്ക്കുള്ള ഭവനനിര്മ്മാണ സഹായ വിതരണം ഫെബ്രുവരി 28 ശനി രാവിലെ 11ന് കോട്ടയം പഴയ സെമിനാരിയിൽ നടക്കും. മലങ്കര സഭാ ഭാസുരന് പരിശുദ്ധനായ വട്ടശ്ശേരില് ഗീവര്ഗീസ് മാര് ദിവന്നാസിയോസ് തിരുമേനിയുടെ 92-ാം ഓര്മ്മദിനത്തോടനുബന്ധിച്ച് സംഘടിപ്പിക്കുന്ന ചടങ്ങ് പൗരസ്ത്യ കാതോലിക്കയായും മലങ്കര മെത്രാപ്പോലീത്തായും സഭാധ്യക്ഷനുമായ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ ഉദ്ഘാടനം ചെയ്യും.
ഭവനനിര്മ്മാണ സഹായ സമിതി പ്രസിഡന്റ് ഏബ്രഹാം മാര് എപ്പിഫാനിയോസ് മെത്രാപ്പോലീത്താ അദ്ധ്യക്ഷത വഹിക്കും. വൈദിക ട്രസ്റ്റി ഫാ.ഡോ. തോമസ് വര്ഗീസ് അമയില്, അത്മായ ട്രസ്റ്റി റോണി വര്ഗീസ് ഏബ്രഹാം, അസോസിയേഷന് സെക്രട്ടറി അഡ്വ. ബിജു ഉമ്മന്, പദ്ധതി കണ്വീനര് ജിജു പി. വര്ഗീസ്, കമ്മറ്റി അംഗങ്ങള് എന്നിവര് യോഗത്തില് പങ്കെടുക്കും. സഹായ വിതരണവുമായി ബന്ധപ്പെട്ട് അറിയിപ്പ് ലഭിച്ചിട്ടുള്ളവര് 28-ാം തീയതി രാവിലെ 10 മണിക്ക് പഴയ സെമിനാരിയില് എത്തിച്ചേരണമെന്ന് കണ്വീനര് ജിജു പി. വര്ഗീസ് അറിയിച്ചു.
