കാൻബറ ഇന്ത്യൻ ഓർത്തഡോക്സ് ഇടവകയിൽ പീഡാനുഭവവാര ശുശ്രൂഷകൾക്ക് ഫാ.ബാബു കുര്യൻ നേതൃത്വം നൽകി
കാന്‍ബറ: ഓസ്ട്രേലിയയുടെ തലസ്ഥാനമായ കാന്‍ബറയില്‍ സ്ഥിതിചെയ്യുന്ന സെന്‍റ് ഗ്രിഗോറിയോസ് ഇന്ത്യന്‍ ഓര്ത്തഡോക്സ് ഇടവകയില്‍ ദുഃഖവെള്ളി – ഈസ്റ്റര് ശിശ്രൂഷകള്‍ക്ക് ബഹുമാനപെട്ട ഫാദര്‍ ബാബു കുരിയന്‍ നേതൃത്വം നല്‍കി. ദുഃഖവെള്ളിയാഴ്ച രാവിലെ ഏഴു മണിക്ക് തുടങ്ങിയ ശിശ്രൂഷകള്‍ക്ക് ഫാദര്‍ വര്‍ഗീസ്‌ മണിയാബ്രയില്‍ സഹ കാര്‍മികന്‍ ആയിരുന്നു. നാലു മണിയോടുകൂടി അവസാനിച്ച ശിശ്രൂഷകള്‍ക്ക് കാന്‍ബറയില്‍ നിന്നും സമീപ പ്രദേശങ്ങളില്‍ നിന്നും ധാരാളം വിശ്വാസികള്‍ പങ്കെടുത്തു.
ഈസ്റ്റ്ര്‍ ശിശ്രൂഷകള്‍ ശനിയാഴ്ച വൈകിട്ട് നടത്തി. ബഹു: ഫാദര്‍ ബാബു കുര്യന്‍ ഈസ്റ്റര് ശുശ്രൂഷയ്ക്ക് മുഖ്യ കാര്‍മികത്വം വഹിച്ചു, തുടര്‍ന്ന് ഉയിര്‍പ്പ് പ്രഖ്യാപനവും നമസ്ക്കാരവും ഉയിര്‍പ്പിന്‍റെ ശുശ്രൂഷയും നടത്തി . വി. കുര്ബ്ബാനയ്ക്ക് ശേഷം ബഹു ബാബു അച്ചന്‍ ഈസ്റ്റര് സന്ദേശം നല്‍കി.
