ഓർത്തഡോക്സ് സഭയുടെ വമ്പിച്ച റാലിയും സമ്മേളനവും 20 ന്

കോട്ടയം : പൗരസ്ത്യ ഓർത്തഡോക്സ് ക്രൈസ്തവ യുവജന പ്രസ്ഥാനത്തിന്റെ ആഭിമുഖ്യത്തിൽ വമ്പിച്ച യുവജന സംഗമം സംഘടിപ്പിക്കാൻ ഒരുങ്ങുന്നു.കാതോലിക്കേറ്റ് സ്ഥാപന വർഷത്തിന്റെ ഭാഗമായി  മഹാ റാലിയും സമ്മേളവും നടത്തുമെന്ന് യുവജന പ്രസ്ഥാനം ഭാരവാഹികൾ അറിയിച്ചു.

മലങ്കര സഭയുടെ അപ്പോസ്തോലിക പൈതൃകത്തിന്റേയും തദ്ദേശീയ സ്വാതന്ത്ര്യത്തിന്റേയും സ്വയം ശീർഷകത്വത്തിന്റെയും അടയാളം പൗരസ്ത്യ കാതോലിക്കേറ്റെന്ന് വിശ്വാസികളെ അഭിസംബോധന ചെയ്തു പള്ളികൾക്കയച്ച കല്പനനയിൽ മലങ്കര മെത്രാപ്പോലീത്തായും പൗരസ്ത്യ കാതോലിക്കായുമായ പരിശുദ്ധ ബസേലിയോസ് മാർത്തോമാ മാത്യൂസ്‌ തൃതീയൻ ബാവ.കാതോലിക്കേറ്റ് സ്ഥാപനത്തിന്റെ പ്രാധാന്യം പൊതു സമൂഹത്തെയും പുതു തലമുറയെയും ഓർമ്മിപ്പിക്കേണ്ടത് കാലഘട്ടത്തിന്റെ ആവിശ്യമെന്ന് മലങ്കര സഭാ അധ്യക്ഷൻ കല്പനയിൽ പറയുന്നു.

ഇടവക തലത്തിൽ വാഹനം ക്രമീകരിച്ച് സെപ്റ്റംബർ 20 ന് കോട്ടയം മാർ എലിയ കത്തീഡ്രലിൽ നിന്ന് ആരംഭിക്കുന്ന റാലി തിരുനക്കര മൈതാനത്ത് സമ്മേളനത്തോടെ അവസാനിക്കുബോൾ നിർബന്ധമായും പള്ളി ചിലവിൽ പങ്കെടുക്കണമെന്ന് പരിശുദ്ധ കാതോലിക്ക ബാവ കൂട്ടിച്ചേർത്തു.