കുമ്പസാര പീഡനക്കേസിൽ നിർണ്ണായക വഴിത്തിരിവ്

തിരുവല്ല: മാധ്യമങ്ങളിൽ വലിയ ചർച്ചയായ കുമ്പസാര പീഡന ആരോപണക്കേസിൽ വഴിത്തിരിവ്.പീഡന ആരോപണക്കേസിൽ മൂന്നാം പ്രതിയായ ഫാ. ജോൺസൺ വി. മാത്യുവിനെ തിരുവല്ല ഒന്നാം ക്ലാസ് മജിസ്ട്രേറ്റ് കോടതി കുറ്റവിമുക്തനാക്കി. ആരോപണം ഉയർന്നതിനെ തുടർന്ന് വൈദികരെ സഭാ നേതൃത്വം ചുമതലകളിൽ നിന്ന് മാറ്റിനിർത്തിയിരുന്നു.

1069/19 നമ്പർ കേസിൽ IPC 354, 354A, 506 വകുപ്പുകൾ ചുമത്തിയാണ് പ്രതിക്കെതിരെ കേസ് രജിസ്റ്റർ ചെയ്തിരുന്നത്. ഈ വകുപ്പുകൾ നിലനിൽക്കില്ലെന്ന് കണ്ടെത്തിയാണ് മജിസ്ട്രേറ്റ് കുറ്റവിമുക്തനാക്കിയത്.

ഹൈക്കോടതി അഭിഭാഷകരായ അലക്സ് കെ ജോൺ, ജിജോ ജോർജ് എന്നിവരാണ് പ്രതിക്കുവേണ്ടി ഹാജരായത്.ഏറെ കോളിളക്കം സൃഷ്ടിച്ച കേസിലാണ് പുതിയ സംഭവവികാസം.മാധ്യമ വിചാരണ നടന്ന കേസിൽ വിധി റിപ്പോർട്ട് ചെയ്യപ്പെടാതെ മാധ്യങ്ങളുടെ ഇരട്ടത്താപ്പും പുറത്തായി.