മലങ്കര സഭയ്ക്ക് നാല് പുതിയ മെത്രാപ്പോലീത്തമാർ

മുളന്തുരുത്തി: മലങ്കര ഓർത്തഡോക്സ് സുറിയാനി സഭയുടെ പാർലമെന്റ് സമിതിയായ മലങ്കര സുറിയാനി ക്രിസ്ത്യാനി അസോസിയേഷൻ മുളന്തുരുത്തി വെട്ടിക്കൽ ദയറയിൽ സമാപിച്ചു. മലങ്കര സഭയ്ക്ക് നാല് പുതിയ മെത്രാപ്പോലീത്തമാരെ പള്ളി പ്രതിനിധികളുടെ യോഗം തെരഞ്ഞെടുത്തു.പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവയുടെ അധ്യക്ഷതയിലായിരുന്നു സമ്മേളനം.മുളന്തുരുത്തി മാർത്തോമ്മൻ പള്ളിയിൽ സഭാ മാനേജിംഗ് കമ്മിറ്റിയുടെ യോഗത്തിന് ശേഷമായിരുന്നു പ്രധാന വേദിയായ വെട്ടിക്കൽ ദയറയിൽ തിരെഞ്ഞെടുപ്പ് നടന്നത്.

വെരി റവ. തോമസ് പോൾ റമ്പാൻ,ഫാ. സാം ജി. ടി. ജോർജ്, ഫാ. എൽദോസ് എ. എലിയാസ്,ഫാ. ഷിബു വേണാട് മത്തായി എന്നിവർ തെരഞ്ഞെടുക്കപ്പെട്ടു. വൈദീകരുടെയും അൽമായരുടെയും ഏറ്റവും കൂടുതൽ വോട്ടുകൾ നേടിയ കോതമംഗലം സ്വദേശിയായ തോമസ് പോൾ റമ്പാച്ചന്റെ വിജയം മലങ്കര അസോസിയേഷൻ എതിരെ കോടതിയെ സമീപിച്ച ഓർത്തഡോക്സ് വിശ്വാസികളെന്ന് അവകാശപ്പെട്ട പാത്രിയാർക്കീസ് അനുകൂലികൾക്ക് തിരിച്ചടിയും സഭാ നിലപാടിന്റെ അംഗീകാരവുമായി വിലയിരുത്തപ്പെടുന്നു.ഭൂരിപക്ഷം ഓർത്തഡോക്സ് സഭാ വിശ്വാസികൾ സഭാ തർക്കത്തിൽ സ്വീകരിക്കുന്ന സഭാ നിലപാടിന് എതിരാണ് പ്രചരണം ഇതോടെ അടിസ്ഥാന രഹിതമാകുകയാണ്.

മെത്രാപ്പോലീത്ത സ്ഥാനത്തേക്ക് നടന്ന തെരഞ്ഞെടുപ്പിൽ ഇടവക തലത്തിൽ അൽമായരുടെയും വൈദികരുടെയും വോട്ടുകളുടെ നില.

ഫാ. എൽദോസ് എ.എ. (46): പരുമല സെമിനാരി മാനേജർ. മലബാർ ഭദ്രാസനത്തിലെ മലപ്പുറം എടക്കര സെന്റ് മേരീസ് ഓർത്തഡോക്സ് പള്ളി ഇടവകാംഗം. അമ്പാട്ടുപൊട്ടയ്ക്കൽ ഏലിയാസിന്റെയും റബേക്കയുടെയും മകൻ.

ഫാ. സാംജി ടി. ജോർജ് (51): കൊല്ലം ശാസ്താംകോട്ട മാർ ഏലിയാ ചാപ്പൽ മാനേജർ. ചെങ്ങന്നൂർ ഭദ്രാസനത്തിലെ ആറാട്ടുപുഴ സെന്റ് മേരീസ് ഓർത്തഡോക്സ് പള്ളി ഇടവകാംഗം. താഴത്തേടത്ത് ബംഗ്ലാവിൽ പരേതരായ സണ്ണി ജോർജിന്റെയും അമ്മിണി ജോർജിന്റെയും മകൻ.

ഫാ. ഷിബു വേണാട് മത്തായി (53): ഫിലാഡൽഫിയ ബെൻസാലേം സെന്റ് ഗ്രീഗോറിയോസ് ഓർത്തഡോക്സ് പള്ളി വികാരി. സുൽത്താൻ ബത്തേരി ഭദ്രാസനത്തിലെ തമിഴ്നാട് നീലഗിരി താളൂർ സെന്റ് മേരീസ് ഓർത്തഡോക്സ് പള്ളി ഇടവകാംഗം. പരേതരായ വി. വൈ. മത്തായിയുടെയും സാറാമ്മ മത്തായിയുടെയും മകൻ.

ഫാ. തോമസ് പോൾ റമ്പാൻ (53): എറണാകുളം കീഴില്ലം ഉദയഗിരി മാർ ഗ്രീഗോറിയോസ് പള്ളി വികാരി. അങ്കമാലി ഭദ്രാസനത്തിലെ കോതമംഗലം മാർ തോമ്മാ ചെറിയ പള്ളി ഇടവകാംഗം. മാറാച്ചേരിൽ പരേതരായ എം. ടി. പൗലോസിന്റെയും കെ. എം. ചിന്നമ്മയുടെയും മകൻ.