അമിച്ചകരി ഓർത്തഡോക് സ് സുറിയാനി പള്ളിയിൽ പരി: പരുമല തിരുമേനിയുടെ ഓർമ്മപ്പെരുന്നാൾ

തിരുവല്ല : തലവടി കിഴക്കേക്കര സെന്‍റ്  മേരീസ് ഓർത്തഡോക്സ് സുറിയാനി പള്ളിയിൽ മലങ്കരയുടെ പ്രഥമ പ്രഖ്യാപിത പരിശുദ്ധനായ പരി. പരുമല തിരുമേനിയുടെ ഓർമ്മ പെരുനാൾ ഒക്ടോബർ മാസം 23,29,30 തീയതികളിൽ സുൽത്താൻ ബത്തേരി ഭദ്രാസനാധിപൻ അഭി. എബ്രഹാം മാർ എപ്പിഫാനിയോസ് തിരുമേനിയുടെ മുഖ്യ കാർമീകത്വത്തിൽ നടത്തപ്പെടും. 23 ഞായറാഴ്ച വിശുദ്ധ കുർബ്ബാനാനാന്തരം പെരുനാൾ കൊടിയേറ്റ് നടത്തപ്പെടും. 29 ശനിയാഴ്ച വൈകിട്ട് 6.30 നു സന്ധ്യ പ്രാർത്ഥനയും, അതിനു ശേഷം സുവിശേഷ പ്രസംഗവും തുടർന്ന് ഭക്തി നിർഭരമായ പെരുനാൾ റാസയും നടത്തപ്പെടും.

പെരുന്നാളിന്റെ സമാപന ദിവസമായ ഒക്ടോബർ 30 ഞായറാഴ്ച രാവിലെ 7.30 നു പ്രഭാത നമസ്കാരവും തുടർന്ന് അഭി. എബ്രഹാം മാർ എപ്പിഫാനിയോസ് തിരുമേനിയുടെ മുഖ്യ കാർമീകത്വത്തിൽ വിശുദ്ധ മൂന്നിന്മേൽ കുർബ്ബാനയും, തുടർന്ന് കൊടിയിറക്കും സ്‌നേഹവിരുന്നും നടത്തപ്പെടും.