കുറിച്ചി ചെറിയ പള്ളിയില്‍ സംയുക്ത ഓര്‍മ്മ ദിനാചരണം 31-ന്
കാലം ചെയ്ത അഭിവന്ദ്യ പൗലോസ് മാർ പക്കോമിയോസ് മെത്രാപ്പോലീത്തയുടെ നാലാം ഓർമ പെരുന്നാളും പരിശുദ്ധ കാതോലിക്ക ബാവായുടെ പ്രിൻസിപ്പൽ സെക്രട്ടറിയും പീരുമേട് മാർ ബസേലിയസ് കോളേജിന്റെ ഡയറക്ടറും ആയിരുന്ന വന്ദ്യ ഇ. എം. ഫിലിപ്പ് എള്ളാളയിൽ അച്ചന്റെ ഒന്നാം ഓർമ്മയും 2016 ജൂലായ് 31 ഞായറാഴ്ച്ച ഇടവക പള്ളി ആയ കുറിച്ചി സെന്റ് മേരീസ്‌ ആന്‍ഡ്‌ സെന്റ് ജോണ്‍സ് ഓര്‍ത്തഡോക് സ്‌ ചെറിയ പള്ളിയില്‍ സംയുക്തമായി ആചരിക്കുന്നു .അന്നേ ദിവസം രാവിലെ ഏഴര മണിക്ക് പ്രഭാത നമസ്കാരവും തുടർന്ന് വിശുദ്ധ കുർബാനക്കും വന്ദ്യ മാത്യു ഫിലിപ്പ് എള്ളാളയിൽ അച്ചൻ മുഖ്യ കാർമികത്വം വഹിക്കും .തുടർന്ന് നടക്കുന്ന അനുസ്മരണ സമ്മേളനത്തിൽ ബഹുമാനപെട്ട ഡോക്ടർ ടി ജെ ജോഷ്വാ അച്ചൻ പ്രൊഫ ജേക്കബ് കുരിയൻ ഓണാട്ട് എന്നിവർ അനുസ്മരണ പ്രഭാഷണം നടത്തും .പ്രസ്തുത സമ്മേളനത്തിൽ വെച്ച് മലങ്കര സഭ ഗുരു രത്നം ഡോക്ടർ ടി ജെ ജോഷ്വാ അച്ചനെ ആദരിക്കും .തുടർന്ന് ശ്രാദ്ധ സദ്യയും ഉണ്ടായിരിക്കും.
